Dis 'n lieflike plekkie met die beste uitsig moontlik! Alhoewel die kompleks van buite af redelik ouerig vertoon, was dit verrassend modern en nuut gemeubileerd binne met alles wat jy aan kan dink. Regtig baie goed toegeruste kombuis en selfs strandsambreel binne. Die uitsig was fantasties!!! en die strand was ook lekker naby vir die kinders. Die binnenshuise swembad was definitief 'n bonus. Ons het egter gesukkel met die braai (omdat ons bietjie onseker was oor hoe om dit te gebruik) en die skuifdeur by die kamer kon nie sluit nie, maar 'n tydelike oplossing is aangebring tydens ons verblyf. Andersins het ons heerlik gebly. Baie dankie!

Rustig, gesellig, waarde vir jou geld naby eetplekke en winkels, die see! Wat anders het jy nodig vir 'n wegbreektyd. Ek wens ek het woorde gehad. Dis rustig, goedversorgd, hemels. Dis regtig 'n stukkie hemel op aarde en ek beveel dit enige tyd aan. 10 uit 10. Baie baie dankie vir hierdie plekkie in die son wat mens kan gaan en net 'n bietjie te gaan "refuel".

Pragtige ligging. Baie lekker gebly. Daar kan aandag gegee word aan die volgende: skoonmaakdienste, woonstel kan skoner wees. Daar is ook vismotte in die stoep kussins/sakke. Die wasbak in die kombuis se drein loop baie stadig uit. Buiten die goedjies is dit 'n lieflike plek en die warm swembad is een van ons hoogtepunte en die see-uitsig met 'n vars koppie koffie.

Ons het heerlik gebly in Apartment 26 on Beach. Ek sal aanbeveel dat skoonmaakdienste ingesluit moet word op 'n daaglikse basis. Ek het op navraag verneem dit kos R300 per dag, wat belaglik is. Ek neem aan die agentskap probeer geld maak hieruit. Dis 'n tweeslaapkamer eenheid. Die netheid was nie op my standaard nie. Komberse in hoofslaapkamer het nie vars en skoon geruik nie. 1 kombers spesifiek het na urine geruik. Die eetgery, borde, glase en potte was vol merke. Nie genoegsame skoonmaakmiddels om skoon te maak nie. Ek kan nie my hele skoonmaakkas op vakansie vat nie. Braai was nie skoon nie, en ook nie stoele op balkon nie. Ek dink nie dat die vakansiegangers wat die eenheid gebruik, maak voldoende skoon nie, en dit maak dit moeilik vir die volgende groep vakansiegangers om die kombuis en eenheid te gebruik. Die eenheid voldoen aan al die geriewe en items benodig om normaal te funksioneer. Ek sal enige tyd weer die eenheid huur.

Heerlike vakansiewoonstel, perfek geleë, met 'n pragtige uitsig. Die woonstel is perfek geleë, met 'n baie mooi uitsig soos op die foto's. Definitief van die bes geleë vakansiewoonstelle aan die Kaapse kus. Die eenheid is uitgelê met die beste toerusting en benodigdhede. Die nadeel is egter dat die eenheid baie onhigiëniese was. 'n Slegte reuk verwelkom jou wanneer jy die voordeur oopmaak. Die kombuis se toebehore was vuil en vetterig, sodat ons nie eers die oond wou gebruik nie. Die kamer se matte was baie vuil en vol hare. Die badkamers het 'n onaangename reuk sonder ventilasie en was vol hare. Die skuifdeur se venster was so vuil dat mens nie die uitsig kon geniet wanneer die deure toe is nie. Die skuifdeure kan ook nie sluit nie, wat 'n onnodige bekommernis veroorsaak, want dit is immers Suid-Afrika. Die stoep se vloer was vol kos en oliemerke en baie grillerig. Ek het die opsigter gekontak en hulle het 'n skoonmaker gestuur om die nodige te doen, maar steeds was die skoonheid nie op standaard nie. Indien die bogenoemde aangespreek en opgelos word, is ek seker dit is een van die beste selfsorg-eenhede langs die Kaapse kus.

Baie goeie keuse vir verblyf. Ons sal hierdie woonstel beslis weer in gedagte hou. Die enigste negatiewe punt was die braaier wat aandag nodig het. Die res van die woonstel was puik (WiFi, DStv, meubels, ens), so ook die diens en sekuriteit. En die ligging (by die see) is natuurlik ook uitstekend.

Dit was absoluut vyfster-selfsorg, naby winkels vir proviand ens. Ons sal weer hier bespreek. Op die strand en naby aan restaurante en winkels geleë.