Apartment 26 on Beach

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: The Village Apartments 26, Kusweg, Houtbaai, 7806, Wes-Kaap
Vanaf R3 900 per nag (plek vir 4)

Beskrywing

Apartment 26 on Beach is 'n luukse strandwoonstel in die The Village-kompleks op die eerste verdieping en dit bied onbelemmerde, asemrowende see-, strand- en baai-uitsigte vanuit die leefarea, hoofslaapkamer en groot balkon. Nader aan die see as dit sal jy nie vind nie.

Die onlangs opgeknapte moderne woonstel het 2 slaapkamers en 2 badkamers, 'n oopplan-leefarea, -eetarea, en -kombuis asook 'n groot balkon wat oor die see uitkyk. Die hoofslaapkamer bied asemrowende see-uitsigte, 'n koninggrootte-bed en 'n en suite-badkamer met 'n bad en toilet. Skuifdeure lei na die balkon. Die tweede kamer het 2 enkelbeddens en uitsigte oor die lieflike, boomryke atrium. Die tweede, aparte badkamer het 'n stort en toilet. Die woonstel het slaapplek vir 4, maar 'n vyfde bed kan in die leefarea opgemaak word op versoek. Twee stelle gehalte linne en handdoeke (strand- en badhanddoeke) word per persoon voorsien vir jou verblyf.

Die oopplan-kombuis is toegerus vir selfsorg met 'n wasmasjien, skottelgoedwasser, mikrogolfoond, oond, glasbladstoof, filterkoffiemasjien, potte, panne, eetgerei en breekware. Die elegante eetarea het sitplek vir 6 en die moderne leefarea het leerbanke. Daar is 'n 46"-TV met satelliet-kanale en 'n DVD-speler beskikbaar. Die leefarea en hoofslaapkamer het skuifdeure wat lei na die hartjie van die woonstel, 'n groot onderdakbalkon wat oor die see uitkyk.

The Village is in die hartjie van Houtbaai geleë, reg teen die hoofstrand en dit word omring deur wonderlike winkels en talle restaurante, koffiewinkels en ontbytplekkies. Dit het ook 24 uur-sekuriteit, 'n groot verhitte binnenshuise swembad, veilige toesluit-kelderparkeerplek, 'n hysbak wat na al die vloere gaan en 'n lieflike boomryke atrium.

Kry ’n Kwotasie