Asemrowende uitsig. Goeie diens. Baie mooi uitsig. Vriendelike gasheer en heerlike ontbyt. Ons sal beslis weer terugkeer.

Baie lekker. Baie vriendelike ontvangs. Stil en rustig en pragtige omgewing. Goeie TV en WiFi.

Pragtige uitsig oor die area en 'n lieflike kuierstoep. Die gastehuis is regtig waarde vir geld in vergelyking met ander plekke in die area. Daar is matte in die kamers en elektriese komberse vir daardie koue aande. 'n Heerlike stoep om te sit en koffie te drink.

Netjies en skoon. Kan doen met bystandkrag. Baie netjies en skoon en goeie ligging. Geen bystand elektriese krag, so "loadshedding" kan 'n probleem wees.

Gerieflike blyplek. Die ligging is goed vir die area. Alle besienswaardighede is in redelik maklike reikafstand. Die kamer was netjies, maar lyk bietjie moeg en begin tekens van agteruitgang te toon. Daar word nie nuwe kapitaal hier ingestoot nie en dit is seker redelik hand tot mond. Die "lock downs" het die plekke seergemaak. Eskom se load shedding help ook nie. Daar is nie rugsteunkrag by die plek nie. TV-kanale is beperk. Ons hou van sport, so was bietjie teleurgesteld. Mens pas maar aan. Die suite was lekker ruim. Die ontbyt was ingesluit by die prys en was werklik lekker. Die bed is gerieflik en ten minste ordentlik. Die gasheer was baie hulpvaardig en gasvry. Die kos by die restaurant was baie goed en die restaurant netjies en "presentable". Daar is 'n paar ander "dives" wat nie so great was nie. Die Italiaanse restaurant, La Lampara, was peperduur. Jammer, die Abingdon Kelder is net oop oor naweke. Die ander wynplaas kom nog op die been. Die "Wine Cellar" het 'n baie groot verskeidenheid Kaapse wyne, maar die opset het ons afgesit. Baie bouvallig. Nie regtig uniekheid nie. Die eienaar het egter goeie kennis van wyne gehad en was baie vriendelik en gasvry. Ons het egter nie gebly nie. Meestal restaurante en koffieplekke en snuisterytipe dinge om te doen. Daar is bietjie avontuur, maar as 'n bestemming dink ek nie die area is so great nie. Die 18-putjie golfbaan by Gowrie Farm sal 'n aanwins wees. Daar is ook 'n paar mikrobrouerye. Nie sleg nie, maar mens kan ook net soveel bier proe. Daar is 'n paar kaasplekkies ens. Dan is daar Trebadore Koffie wat nice was.

Dit was 'n baie aangename, netjiese plek met die lekkerste stoep en uitsig. Die bestuurder het ons so mooi gehelp in terme van aanduidings tot by die troue-bestemming as gevolg van swak sein in daai hele area en nog beurtkrag. Die ontbyt was heerlik, kamer was netjies.

Pragtige gastehuis met 'n baie mooi uitsig. Pragtige gastehuis met 'n baie mooi uitsig, gasheer is ook baie vriendelik en aangenaam.

Natuurskoon is wonderlik, baie rustig, en sal ons dit definitief aanbeveel. Die nuwe eienaar (blykbaar slegs 3 weke daar) Luke was baie op sy senuwees, maar met tyd glo ek sal hy 'n fantastiese gasheer wees. Ons het dit regtig geniet, heerlik oornag en sal definitief volgende jaar tydens ons seun se rugby te Michaelhouse, Arum Hill Lodge weer besoek.