Avemore Leverger Manor House

Selfsorg

Soos Gesien op Facebook
Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Avemore at Le Verger, Devon Valley-weg, Stellenbosch, 7600, Wes-Kaap
Vanaf R5 980 per nag (plek vir 6)

Beskrywing

Avemore Leverger Manor House is in 'n skaduryke, groen en rustige hoekie van die Stellenbosch-wynlande in Devonvallei versteek. Die huis spog met 'n asemrowende uitsig oor die olyfboorde, wingerde en op die majestueuse Helderberge.

Die herehuis bied slaapplek aan 6 gaste en beskik oor 3 slaapkamers en 3 badkamers. Die slaapkamers het koninggrootte-beddens en die en suite-badkamers het elk 'n stort, bad en 'n toilet, of slegs 'n stort en 'n toilet.

Die selfsorgkombuis is met 'n yskas, oond, gasstoof, mikrogolf en tee- en koffiemaakgeriewe toegerus.

Ander geriewe sluit 'n TV, WiFi, lugversorging, 'n pizza-oond, privaat houtvuurwarmbad en 'n braai-area in en gaste het toegang tot 'n gemeenskaplike swembad.

Die herehuis het rugsteunkrag tydens beurtkrag. Verder is daar veilige parkeerplek, 'n elektriese hek, elektriese heinings en 'n sekuriteitspan. Die water kan 'n effense kleur hê as gevolg van natuurlike tanniene, maar dit ondergaan deeglike suiwering en is veilig om te gebruik.

Gaste is welkom om deur die olyfboord te stap, by die swembad te ontspan of die sonsondergang vanaf die groot stoep dop te hou - die skouspelagtigste uitsig in Stellenbosch. Le Verger is 'n unieke wegbreekplek in die hartjie van Devonvallei wat met meer as 12 ha se welige tuine, olyfboorde en 'n varswaterdam spog.

Kry ’n Kwotasie