B1001 Ocean View

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 16:00
Uitkloktyd: 09:00
Adres: Coral-weg, Bloubergstrand, Kaapstad, 7551, Wes-Kaap
Vanaf R1 200 per nag (plek vir 4)

Beskrywing

Dié tweeslaapkamerwoonstel is net langs die oneindige wit strande van Bloubergstrand geleë. Dit is 'n bekende branderplankry- en seilplankry-paradys, net 20 minute van die Kaapse middestad, Tafelberg, Grandwest Casino en die V&A Waterfront af. Dit is ook net 10 minute ver van die Milnerton Gholfbaan en 'n halfuur vanaf Kaapstad Internasionale Lughawe. Daar is ook 'n paar winkelsentrums net 5 minute van ons af en daar is 'n verskeidenheid restaurante en wegneemete-plekke binne stapafstand.

Gaste kan ’n manjifieke, onbelemmerde uitsig geniet oor die baai na Kaapstad, Tafelberg, Robbeneiland (waar Nelson Mandela gevange gehou is) en oor die nimmereindigende Atlantiese Oseaan. Binne seisoen kan mens gereeld sien hoe walvisse en dolfyne in die baai speel. 'n Uitsig oor die sonsondergang kan geniet word vanuit die leefarea of die slaapkamer, of jy kan net lekker ontspan op die balkon terwyl jy braai met 'n skemerkelkie in die hand.

Die woonstel het 'n oopplan-leefarea en -eetarea met 'n slim-TV. Die volledig toegeruste kombuis beskik oor 'n mikrogolfoond, wasmasjien en ontbyttoonbank. Daar is 2 slaapkamers met ingeboude kaste en 2 badkamers. Toegang tot WiFi is beskikbaar. 'n UPS hou die WiFi tydens beurtkrag aan en beurtkragligte en draagbare lampies is beskikbaar. Die beurtkragskedule kan op versoek voorsien word sodat gaste kan beplan.

Seisoenale tariewe is onderhewig aan verandering.

Kry ’n Kwotasie