Lekker warm geslaap en sal weer terug gaan soontoe. Ons het baie lekker gebly. Alles was netjies en het heerlike warm water gehad in die ysige koue. Lekker kombuisgeriewe. Het nie geweet WiFi is beskikbaar nie.

Tevrede. Ontspanne. Rustig. Plaaslewe naby dorp. Geen TV, ideaal vir ouer mense. Het alles gehad wat ek nodig gehad het. Sal weer gaan.

Sukkel na 19:00 om eienaar in die hande te kry. Ons het verdwaal en kon niemand in die hande kry om ons te help nie. Die adres moet reggestel word, ons het meer as 'n uur gesoek na die blyplek. Elke keer ons die eienaar skakel het ons net 'n boodskap teruggekry om die volgende oggend weer te skakel. Ons het ook nie die volgende oggend water gehad nie. Nie warm of koue water nie, weet nie of die "loadshedding" dit enigsins beïnvloed nie. Oor die algemeen was die plek skoon en netjies maar sal nie weer daar tuisgaan nie.

Lieflike fasiliteit, en baie gasvry. Lieflike plek, omgewing en wonderlike diens.

Daar is nie bakke om slaaie in te maak nie, daar was net 1 klein stainless steel bakkie. Daar is nie 'n TV nie. Dit sou lekker wees as ons vooraf geweet het dat daar nie skoonmaakdienste sal wees nie. Die cottage is baie goed geleë maar ons het maar in die bad en bed geklim om warm te bly. Dit sal regtig lekker wees as hulle kan cater vir mense wat nie die restaurante besoek nie en self wil braai en kosmaak. Voorsien asb. 'n toeknyprooster, 'n pot waarin pap gemaak kan word, slaaibakke ens.

Baie lekker, maar kort rêrig bietjie aandag. Die badkamerlig was stukkend en moes in die donker bad en stort. Daar was net een waaier in die kamer gewees, maar geen tweepunt-plug om die waaier in te plug nie. Gewoonlik word daar darem koffie en tee en suiker in die gastehuise vir ten minste een of twee koppies koffie geplaas, maar daar was geen koffie nie. Slegs 'n paar sakkies tee en omtrent vier sakkies suiker. Die vloere was nie uitgevee nie en die miere se sand het orals op die vloerruimte gelê. Sal iemand nie aanbeveel nie. Het al in baie gastehuise gebly en hierdie een was my slegste ervaring.

Lekker geslaap en rustig. Die plek kort 'n baie goeie opknapping. Mierwerksels agter die beddens. Spinnerakke oral. Muurproppe werk nie. Net dubbelbed het warm kombers. Verf dop af. Teël in die stort staan skerp uit. Vloere lyk vuil en gevlek.

Ruim badkamer en voldoende geriewe. Die slot by die agterdeur het aandag nodig. Die huis het al die nodige toerusting vir 'n vinnige kuier. Die ketel het gelek.