Balooga 31

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 23:00
Uitkloktyd: 09:00
Adres: Marinerylaan 123, Balooga 31, Margate, 4285, KwaZulu-Natal
Vanaf R1 400 per nag (plek vir 6)

Beskrywing

Balooga 31 is 'n moderne selfsorg met see-uitsigte en is in 'n veilige kompleks in Margate geleë.

Die woonstel het slaapplek vir 6 volwassenes en 2 kinders en beskik oor 3 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n dubbelbed en 'n en suite-badkamer met 'n bad en 'n stort, 'n toilet en 'n wasbak. Die tweede en derde slaapkamer het elk 2 enkelbeddens. Die gastebadkamer is toegerus met 'n bad en 'n stort, 'n toilet en 'n wasbak. 'n Slaapbank is beskikbaar in die sitkamer vir 2 klein kinders. Alle linne en badhanddoeke word voorsien, bring net jou eie strandhanddoeke saam.

Die kombuis is volledig toegerus vir selfsorg en beskik oor 'n stoof, oond, yskas-vrieskas, mikrogolfoond, eetgerei en breekware. Daar is ook 'n wasmasjien en skottelgoedwasser, en 'n ontbyttoonbank met stoele. Die sitkamer het 'n gemaklike sitkamerstel en 'n platskerm-TV met 'n DStv-koppelpunt word voorsien. Indien jy DStv wil kyk, bring asseblief jou eie dekodeerder, slimkaart en kabels saam. Gratis WiFi-toegang word ook voorsien.

Daar is skuifdeure vanaf die sitkamer en hoofslaapkamer na 'n groot patio wat oor die see en grasarea uitkyk. Daar is ook stoepmeubels en 'n gasbraai vir jou gebruik.

Daar is 'n swembad en braai-area in die kompleks en 'n motorhuis en ekstra parkeerplek word aan hierdie eenheid toegeken. Daar is 'n hek vanaf die kompleks wat lei na die Lawrence Rocks-strand wat oorkant die pad is, sowat 30 m weg en Margate se hoofstrand en visvangpier is net 'n entjie se stap weg. 'n Verskeidenheid winkels en restaurante is in die onmiddellike omgewing.

Kry ’n Kwotasie