Beach Break

Selfsorg

Kapasiteit: 10 persone
6 volwassenes, 4 kinders
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kusweg 28, Gouritsmond, 6696, Wes-Kaap
Vanaf R2 500 per nag (plek vir 10)

Beskrywing

Beach Break is 'n selfsorg strandhuis oorkant die pad van die gewilde getypoel in Gouritsmond. Hierdie lieflike en ruim vakansiehuis bestaan uit die hoofhuis en 'n aparte woonstel met 'n onbelemmerde uitsig oor die see, 50 m van die rotse af, 400 m van die hoofstrand af en is stapafstand van verskeie winkels en restaurante.

Dié huis het slaapplek vir 6 volwassenes en 4 kinders en beskik oor 4 slaapkamers, waarvan 2 koningingrootte-beddens het, 1 het 'n dubbelbed en 'n kinderkamer het 2 driekwart-stapelbeddens. Daar is 2 badkamers, waarvan een 'n en suite-badkamer met 'n wasbak, toilet en 'n bad is. Die ander badkamer, wat deur die oorblywende kamers se gaste gedeel word, het 'n toilet, wasbak en 'n stort. Daar is n oopplan-kombuis en -leefarea. Die kombuis is volledig toegerus vir selfsorg en sluit 'n vierplaatgasstoof, yskas-vrieskas, mikrogolfoond, tee- en koffiegeriewe, eetgerei en breekware in. Let asb. dat daar nie 'n oond is nie, maar wel 'n konveksie-oond. Die eetarea het sitplek vir 10 gaste, en die sitarea het 'n gemaklike sitkamerstel. Die huis het ook 'n TV met DStv.

Die stapeldeur lei na die stoep met n lekker groot braai area. Die huis het 'n groot, omheinde grasperk voor die stoep waar die kinders lekker kan speel.

Kry ’n Kwotasie