Beskrywing

Beach Club 602 is 'n selfsorgwoonstel in 'n veilige gebou oorkant Diazstrand in Mosselbaai. Die gebou is ook langs die Diaz Waterpark en naby besienswaardighede in die dorp.

Die woonstel bied slaapplek aan 4 volwassenes en 2 kinders onder 12 jaar oud en beskik oor 2 en suite-kamers en 'n oopplan-leefarea. Die hoofslaapkamer het 'n ekstra lang koningingrootte-bed en 'n en suite-badkamer met 'n stort en 'n bad. Die tweede slaapkamer het 2 enkelbeddens wat in 'n koninggrootte-bed omskep kan word en 'n en suite-badkamer met 'n stort.

Die kombuis is met 'n oond, gaskookblad met 'n waaier, mikrogolfoond, skottelgoedwasser, wasmasjien-tuimeldroër, yskas en 'n koffiemasjien wat met kapsules werk en ander kookgerei toegerus. Die sitkamer langsaan het 'n rusbank en 'n TV met 'n familie pakket waarop gaste teen 'n ekstra koste DStv Premium-kanale kan kyk.

Die balkon is met glas toegebou met glypanele wat gaste toelaat om te braai terwyl hulle op die balkon ontspan en die uitsig oor die see en omliggende areas bewonder. Die balkon het 'n Alva 4-gasbraai en 'n Weber-braai. Daar is rakke, en ingeboude kaste in die braai-area met 'n toonbank waarop maaltye voorberei kan word. Daar is ook ligte in die area sodat gaste in die aande ook kan braai.

Daar is 'n veiligheidshek by die voordeur sodat gaste die deur kan ooplos en die koel see-briesie deur die huis laat deurtrek.

Daar is ook veilige onderdakparkeerplek vir 1 voertuig en nog parkeerplekke beskikbaar.

Die kompleks het 'n gemeenskaplike swembad en buite-braaigeriewe oorkant die seefront. Die gebou is langs die Diaz Hotel and Resort met 'n gimnasium, verskeie restaurante en winkels.