Belvedere Game Ranch

Wildsplaas

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Magut A Plaas, Langs die R69, Magudu, 3160, KwaZulu-Natal
Vanaf R1 350 per nag, vir 2 mense
TGCSA-gradering:

Beskrywing

Belvedere Game Ranch is op 'n 1400 hektaar plaas in Magudu, KwaZulu-Natal, geleë. Daar is 'n wye verskeidenheid wild op die Belvedere Game Ranch.

Die verblyf bestaan uit 4 kamers met lugversorging en 'n kampplek. Die 4 kamers is almal ingerig met 'n koninggrootte-bed wat op versoek in 2 enkelbeddens omskep kan word. Elke kamer het 'n en suite-badkamer met 'n stort, maar die Luukse Kamer het ook 'n hoekbad.

Sentraal geleë is die lodge, wat die kombuis-, sitkamer- en eetarea asook die kroeg en swembad bevat. Die kombuis is volledig toegerus met 'n yskas, 'n elektriese oond en gasstoof asook 'n mikrogolfoond, en etes kan by die etenstafel met sitplek vir 12 geniet word. 'n TV met DStv is beskikbaar, en die sitkamer het ook 'n kaggel. Op warm dae kan gaste om die swembad ontspan en van die braaigeriewe gebruik maak.

Omring deur welige bosveld, het die plaas 'n netwerk van bospaadjies wat per fiets, vierwielmotor of bakkie of te voet verken kan word. 'n Verskeidenheid wild kan gesien word soos koedoes, njalas, buffels, kameelperde, rooibokke, vlakvarke, bosbokke, sebras, blouwildebeeste, en 'n verskeidenheid voëls.

Kry ’n Kwotasie