Beskrywing

Dié kothuis bied slaapplek aan 7 gaste en beskik oor 2 slaapkamers, 1 badkamer en 'n gastetoilet. Die eerste slaapkamer het 'n dubbelbed en 'n enkelbed en daar i s2 enkelbeddens in die tweede slaapkamer. Die gedeelde badkamer het 'n stort-oor-bad. Linne word voorsien, maar gaste moet hul eie handdoeke saambring.

Die eenheid het 'n kombuis wat met 'n tweeplaatgasstoof, yskas, tweeplaatstoof met 'n oondjie en mikrogolfoond toegerus is. Daar is ook 'n sentrale etenstafel en die sitarea het 2 enkelbeddens en 'n kaggel.

Buite is daar 'n stoep met 'n ingeboude braai en buitesitplek. Parkeerplek is op die perseel beskikbaar. Aktiwiteite sluit bergfietsry deur die protea-plantasies of stap na 'n pragtige waterval in. Die plaas bied asemrowende uitsigte oor die Olifantsrivier en Kouebokkeveldberge.