Heerlike ruim huis in 'n veilige omgewing. Ons het heerlik gekuier in Fouriesburg. Daar is verskeie eetplekke waar jy by 'n kaggel kan sit en die koue verdryf.

Ons het 'n luilekker week deurgebring met ons hond. Ons het 'n plek gesoek waarheen ons ons groot Rottweiler met veiligheid kon saamneem. Bergkaree het volkome aan ons verwagtinge voldoen. Dit is 'n ou sandsteenhuis, goed ingerig op 'n groot omheinde erf. Ons hond kon lekker en veilig rondloop. Magda, die skakelpersoon, was uiters gaaf, vriendelik en behulpsaam. Ons kuier daar was 'n goeie wegspring vir 2023.

Baie aangenaam. Einaar het uit haar pad gegaan om als maklik te maak van die oomblik wat ons bespreek het tot ons vertrek.

Paar basiese goed wat kort, byvoorbeeld 'n besem, bakkie vir mikrogolf. Lekker gebraai. Hout was verskaf. Hulle het ook vir ons blomme gelos. Baie nice.

Baie rustig en veilig. Die akkommodasie het alles gehad wat nodig is vir 'n rustige kuier. Die gasvrou het gesorg dat ons alles het wat nodig is. Baie dankie vir 'n lekker naweek.

Teleurstellend. Fouriesburg was redelik vol toe ek die Saterdagmiddag verblyf gesoek het. Het 1ste beste verblyf vir die nag gevat wat ek kon kry. Die plek word geadverteer vir R300 per persoon, maar toe ek moes betaal, was dit R500. Dit, tesame met die koue water laat 'n bitter smaak in die mond. As daar warm water was, sou R500 nie saak gemaak het nie. Dis 'n tipe kothuis op groot erf. Heel netjies met kombuis en omtrent als wat jy nodig het. My probleem was dat die bad se warm water ophou loop het na 'n paar sekondes. Die koue water het heeltyd drukking gehad. Het geen begeerte gehad om in koue water te bad nie, veral omdat dit nogal koud was in Fouriesburg. Sorteer die warm water uit en die sal 'n billike oornagplek wees.