Blessings is 'n wonderlike wegbreek vir twee! Blessings het sy naam gestand gedoen! Was 'n seen om daar te bly toe die Kaap 'n hewige storm ervaar het. Die plekkie het presies voldoen aan ons vereistes en ons Jack Russell het dit net so geniet. Jammer dat mens nie goeie weer ook kan bespreek nie, maar die gasvrou was ongelooflik vriendelik en ontfermend en wou ons net so warm en gerieflik as moontlik in die swaar weer hou.

Ons het 'n genotvolle kuiertyd saam gehad! Baie dankie aan Liezl vir haar hulp en gasvryheid! Alles was mooi, netjies en skoon, asook alles gehad wat ons benodig het en ons sal graag weer kom kuier. Ons het beslis baie lekker tye hier en op die strande saam spandeer as gesin en boonop kon ons die honde saambring en hulle regoor die groot jaart laat rondloop wanneer hulle nie saam met ons was nie.