Beskrywing

Blue Sparrow Guest House is 'n gevestigde gastehuis in die stil woonbuurt Groenkol in Middelburg, Mpumalanga. Die gastehuis is omring deur winkeltjies en die Middelburg Mall is minder as 10 minute se ry weg. Daar is lekker wegneemeetplekke in die omtrek en 'n paar lieflike restaurante stapafstand van die gastehuis af.

Gaste het 'n keuse tussen pragtige en suite-kamers of selfsorg-akkommodasie. Die kamers is ideaal vir langtermynverblyf vir sakelui, romantiese wegbreke of vir vakansiegangers. Die kamers het elkeen 'n TV met sekere DStv-kanale, 'n yskassie en 'n lessenaar. Die selfsorg-eenhede het elkeen ook 'n kombuisie.

Middagetepakkies kan bestel word op versoek. Veilige parkeerplek en 'n helder swembad is deel van die ondervinding. Die gastehuis het 'n inwonende bestuurder.