Oornag oppad Drakensberge toe. Heerlike verblyf op 'n groot eiendom in die stil kant van Smithfield. Dit was vir my 4-jarige seun soos 'n skattejag om te speel daar. Het heerlik gerus. Kitty van Bluegum Cottage was ongelooflik gasvry en die cottage was baie lekker snoesig en goed toegerus. Kitty het ook vir ons die ongelooflikste lamsbredie gemaak vir aandete, waaraan ons heerlik gesmul het. Baie dankie Kitty vir jou gasvryheid. Sal definitief weer kom.

Goeie veilige verblyf in opgeknapte akkomodasie. Die gasvrou, Kitty, het haar bes probeer om ons so tuis as moontlik te laat voel. Wenke aan haar is dat die beton platdak bokant die hoofslaapkamer effens gelek het op twee plekke gedurende die voortdurende reën die nag wat ons daar was. Dit sal ook ’n groot verbetering wees as daar ’n afskorting om die stort aangebring word, want die hele badkamervloer spat tans nat wanneer dit gebruik word.

Netjiese en veilige verblyf. Die kothuis is skoon en netjies. Dit is goed toegerus. Die parkering is veilig agter 'n hek. Die gasvrou is gaaf en behulpsaam.

Dit was 'n oulike plekkie en baie kunstig versier, maar ek sal nie dat 'n gesin daar bly nie. Baie goed ingerig vir enkelpaar of gesin met kinders ouer as 16. 2 beddens is in die kombuis, so as jy 'n 2 jarige het was 8 pm in die bed moet wees, moet sy bo gaan slaap waar die trappe 'n uitdaging is. Anders kan jy nie die kombuis gebruik nie. Die stort het ook nie stortdeure nie, so die hele vloer was nat nadat ek gestort het. Die lyk nou wel mooi, maar dis nie vir ons prakties gewees nie. Die tuin is ook nie mooi versorg nie, so mens wil eerder net binne die huisie bly. Ek sal lugversorging aanbeveel. Baie warm in die aand. Die waaiers was nie vir my voldoende nie.