Oorgebly vir die naweek tydens die Marakele-wedloop. Heerlike, landelike bosverblyf in 'n pragtige omgewing. Louis en Charmain was baie gemaklik, hulpvaardig en gasvry. Hulle het ons ook gehelp met my voertuig toe die battery onklaar geraak het. Dis egter nie geskik vir mense wat op soek is na luukse verblyf nie.

1. Yskas maak nie koud nie en ons het hom nodig gehad. Ons het lekker gebly. Ons is buite mense.

Dit het alles gebied wat ons gesoek het! Ons het 'n rustige plek gesoek naby Marakele en hierdie was perfek.

Dit was 'n goeie wegbreek van alles af. Mens moet net onthou dat daar nie krag is nie, maar die res is uitstekend.

Stilte en uitsig. Het in die kleiner chalet gebly. Basies maar voldoende. Yskassie bietjie klein. Heerlike buitestort. Ongelooflike uitsig op Kransberge. Goed vir stap en bergfiets ry. Groter chalet sal ook baie goeie akkommodasie bied. Baie stil. Sal weer daar kuier maar sal ekstra vuurmaakhout, wynglase en koeler met droë ys saamvat.

Beeldskoon in die hartjie van die bos. Ons was ontvang met gasvryheid en vriendelikheid. Die plaas was maklik bekombaar. Die donkie het behoorlike warm water voorsien en als wat ons nodig gehad het was daar. Sal enigetyd weer daar bly.

Onvergeetlike uitsig. Hoogs aan te beveel vir enige natuurliefhebbbers. Met die aankoms is die uitsig oor die berge die eerste ding wat jou tref, en dan kan jy maar die hele naweek vat om die stilte en rustigheid in te neem. Vat gerus ook tyd om 'n paar draaie in die veld te gaan stap en kyk veral uit vir al die spore van die diere wat digby die huise rondloop.