Absoluut fantasies. Ons het Bosplasie verskriklik geniet. Baie dankie aan Helet vir al die nodige inligting en vriendelikheid. Tannie het ons baie welkom laat voel en geen moeite is ontsien om ons te help nie. Sy is 'n opregte juweel. Ons is kinders regte stadsjapies en vir hulle was die diere 'n fees gewees. Hulle kon nie vroeg genoeg opstaan om te sien watter diere vir ons buite wag nie. Die stilte en rustigheid was heerlik. Ons sal vir seker Bosplasie aanbeveel en sal ook vir seker in die toekoms weer daar tuis gaan. Dit is sentraal na die winkels toe en ook na die Kruger Park toe. En sou jy nie Kruger Park toe gaan nie, is daar meer as genoeg om te sien net daar waar jy bly en veral langs die rivier waar jy dan ook by Kruger is. Baie dankie Bosplasie dat ons kon gaan rus by jou en aan die diere wat elke dag vir ons kom kuier het. Dit het ons kuier net nog meer spesiaal gemaak. Ons het met swaar harte gister gegroet.

Wonderlik Dit was wonderlik, my 2 dogters het dit vreeslik geniet.

Waarde vir jou geldjies. Heerlike kuier die nag apies, zebras, wilde beeste, bos varke, kudus en bokkies beleef op ons stoepie. Dankie vir die vriendelike verwelkoming.

Rustig en heilsaam. Rustige atmosfeer met al die diere wat kom kuier.

Ons het heerlik gebly by Bosplasie en die advies oor kossies wat vir hulle gegee mag word het gesorg vir 'n fantastiese ervaring. Die dame wat ons ontvang het het baie moeite gedoen om ons tuis te laat voel. Die huisie is bekostigbaar en ons het heerlik geslaap. Die boma is 'n groot pluspunt as jy hou van laataande om die vuur. Die badkamer en kombuisie is wel klein, maar as almal goeie verstandhouding het wie wanneer in die kombuis gaan werk of die badkamer gebruik is dit nie 'n probleem nie. Onthou net om skottelgoedseep, ekstra swartsakke, drinkbare water en muskietafweerder saam te bring (die klein winkeltjie in Marlothpark is bietjie duur), alhoewel "pellets" vir die bokke en blouwildebeeste daar gekoop kan word, sowel as voëltjiesaad. Hou deure toe vir stoute apies, want as hul eers eiers in die hande gekry het gooi hul jou met die eiers!

Ek sal Bosplasie sterk aanbeveel vir 'n heerlike kuier in Marloth park. Die verblyf was soos adverteer. Skoon en netjies, kombuis goed toegerus, en alles in werkende toestand. Die eienaars het moeite gedoen dat die wild by die huisie kom inloer.

Was heerlik vir 'n wegbreek. Daar was 'n paar dinge.