Beskrywing

Braai-Paradys Vakansiehuis is in Struisbaai geleë en bied gehalteverblyf vir 'n gesin of 'n groep vriende. Dit is lekker naby restaurante, die strand, doendinge en besienswaardighede.

Hierdie vakansiehuis het slaapplek vir 11 gaste. Die huis beskik oor 5 slaapkamers, 4 badkamers, 2 sitareas en 'n oopplan-kombuis met 'n leefarea.

Die hoofslaapkamer het 'n koningingrootte-bed en 'n enkelbed, asook 'n en suite-badkamer met 'n stort, toilet en wasbak. Die tweede en derde slaapkamer het elkeen 'n dubbelbed, en die vierde en vyfde slaapkamer het elkeen 2 enkelbeddens. Van die 4 ander slaapkamers het 2 van hulle en suite-badkamers en die ander 2 deel 'n aparte badkamer. Elke badkamer het 'n stort of 'n stort en 'n bad.

Die kombuis is met 'n stoof, oond, yskas-vrieskas, mikrogolfoond, koffie- en teemaakgeriewe, breekware en eetgerei toegerus.

Die sitareas het gemaklike rusbanke en TV's met DStv. Gratis WiFi is ook beskikbaar.

Die ruim braaikamer maak hierdie vakansiehuis spesiaal. Die braaikamer is lekker groot en het 'n ingeboude braai wat dit die ideale plek maak om 'n maaltyd saam met die gesin of 'n groep vriende voor te berei. Alle braaigeriewe word voorsien. Daar is ook 'n TV met DStv in die braaikamer met skuifdeure.

Die vakansiehuis strek oor 2 erwe, waarvan een 'n grasperk van 1000 m² is wat ideaal is vir kinders wat wil fietsry of balsport wil speel. Daar is 'n hek by die ingang wat saans gesluit kan word, en 'n alarmstelsel wat aan 'n sekuriteitsmaatskappy gekoppel is.

Braai-Paradys Vakansiehuis is 400 m van die beroemde Struisbaai-hawe af. Daar is 'n restaurant, 'n strand vir klein kinders om in te swem, en 'n gewilde visvangarea by die hawe. In die teenoorgestelde rigting is die vakansiehuis 400 m vanaf Skilpiesbaai. Die huis is in die hoofstraat geleë en lekker naby die plaaslike kruidenierswinkel. Die huis is 5 km vanaf Kaap Agulhas, die mees suidelike punt van Afrika, en oorkant die pad vanaf 'n skoonheidsalon en sauna.