Beskrywing

Braai-Paradys Vakansiehuis is in Struisbaai geleë en bied gehalteverblyf vir 'n gesin of groep vriende. Dit is binne maklike bereik van eetplekke, die strand, doendinge en besienswaardighede.

Dié vakansiehuis kan tot 11 gaste op 'n slag akkommodeer. Die huis beskik oor 5 slaapkamers, 4 badkamers, 2 sitareas en 'n oopplan-kombuis met 'n lekker leefarea.

Die hoofslaapkamer het 'n koningingrootte-bed en 'n enkelbed, asook 'n en suite-badkamer met 'n stort, toilet en wasbak. Die tweede en derde slaapkamers het elkeen 'n dubbelbed en die vierde en vyfde slaapkamers het elk 2 enkelbeddens. Van die 4 ander kamers het 2 van hulle en suite-badkamers en die 2 deel 'n aparte badkamer. Die badkamers is toegerus met óf 'n stort óf 'n stort en 'n bad.

Die kombuis is toegerus met 'n stoof, oond, yskas-vrieskas, mikrogolfoond, koffie- en teemaakgeriewe, breekware en eetgerei.

Die sitkamers het gemaklike rusbanke en 'n TV met DStv. Gaste kan ook komplimentêre WiFi-toegang geniet.

Die ruim braaikamer is wat hierdie vakansiehuis 'n wonder maak. Die braaikamer is 8 x 6 meter groot, met 'n 2 x 1,2 m ingeboude braai, wat dit die ideale plek maak om 'n maaltyd saam met die familie of groep vriende voor te berei. Alle braaigeriewe word voorsien. Daar is 'n TV met DStv in die braaikamer met skuifdeure.

Die vakansiehuis strek oor 2 erwe, waarvan 1 'n 1000 vierkante meter grasperk is wat ideaal is vir kinders wat wil fietsry of balsport wil speel. Daar is 'n hek by die ingang wat in die aande gesluit kan word, asook 'n alarmstelsel en sekuriteitsmaatskappy aan diens.

Braai-Paradys Vakansiehuis is 400 m vanaf die bekende Struisbaai-hawe. By die hawe is 'n restaurant, 'n strand vir klein kinders om in te swem, asook 'n gewilde visvangarea. In die teenoorgestelde rigting is die vakansiehuis 400 m vanaf Skilpiesbaai. Die huis is in die hoofstraat en binne maklike bereik van die plaaslike kruidenierswinkel. Die huis is 5 km vanaf Kaap Agulhas, die mees suidelike punt van Afrika, en oorkant 'n skoonheidsalon en sauna.