Ons het egter 'n goeie tyd gehad en lekker gebly. Daar is paar goedjies wat aan gewerk moet word. Die stort lek water by die stortkop. Die toilet flush nie met die handvatsel nie. Die deksel moet gelig word en die toilet self flush. Die sleutel van die skyfdeur het gesukkel om in die gaatjie te gaan. Ek moes dit forseer en was bang dat die sleutel sou breek.

Met 'n paar klein dingetjies sou hierdie 5-ster wees. Goeie ligging, maar die eenheid voel bietjie soos iemand se agterplaas. Ou skoene en klere hang oor Wendy-huise. Die eenheid self is oulik met goeie spasie vir 'n gesin met kleintjies, maar borde, messe en vurke pas nie en die kombuis is nie ten volle ingerig nie. Ons moes self panne, kombuisskêr, ens. koop. Die eienaars was vriendelik, maar kon meer kommunikeer het oor dae wat hulle grassny, ens.

Bly weg! Die foto's op die webwerf is baie misleidend. Toe ons opdaag was daar niemand daar nie. Ons het die eienaar geskakel wat ons aangesê het om terug te ry en die sleutels by 'n ander persoon te gaan haal. Na 'n op en af geryery en klomp oproepe het ons uiteindelik die sleutels gekry. Die eenheid self is baie vuil en verwaarloos. Die wasbak in die kombuis was geblok, die wasbak in die badkamer het geen water in die krane gehad nie en die toilet het nie gespoel nie. Daar is geen werkende buiteligte nie en die geyser was afgeskakel. Niemand het enige van die bg aan ons genoem nie en my man moes met 'n flitslig probeer vasstel waar die geyser aan- en afgeskakel moet word. Die kombuis is uiters swak toegerus en die borde, glase, messe en vurke is vuil en stukkend. Daar was slegs 'n besem in die eenheid gelos met 'n dam water voor die deur alhoewel dit ten tyde van ons aankoms nie gereën het nie. Ons het die volgende dag vasgestel dat die toiletpyp agter die eenheid lek en die water dan van daar af opdam. Die badkamer het geen deur aan nie. Daar is 'n water krisis aan die Suidkus, maar weereens het niemand dit aan ons genoem nie. Daar is geen voorsiening gemaak vir addisionele water nie en ons moes water koop toe die krane opdroog. Die area om die swembad is uiters verwaarloos en vuil. Ons moes 'n emmer en 'n mop koop om skoon te maak, asook papierborde, glase, messe en vurke en 'n losstaande buitelig. Die enigste voordeel van hierdie eenheid is die ligging. Dit is pragtig met 'n see-uitsig en 'n kort stapafstand na die rotse toe. Alhoewel ons die eienaar gekontak het rakende die probleme het hy ons glad nie geantwoord of enige poging aangewend om iets daaraan te doen nie.

Fantasties! Verwelkoming was goed. Die feit dat ons so naby die strand gebly het was asemrowend. Kon elke oggend oo die strand gaan stap. Die diens is 100 uit 100. Daar was altyd iemand op diens indien ons enige iets nodig gehad het en niemand huiwer om mens te help nie. Ons motor het gebreek en moes in vir herstel. Die eienaars het regtig die ekstra myl gegaan om die druk van ons skouers af te neem sodat ons die vakansie kon ontspan. Sonder hulle sou ons heeltyd gefokus het op die herstel van die motor i.p.v. ons vakansie. Die motor was by die handelaar en ons kon terselfde tyd steeds ons vakansie en selfs meer geniet danksy die wonderlike diens. Ons was selfs gesê om die laaste aand op die huis daar te spandeer a.g.v. die motor wat nie gereed was nie. Hulle kyk baie mooi na hul gaste. Enige tyd sal ons iemand aanbeveel om daar te kuier.

Net 1 nag. Glad nie smaakvol ingerig nie ─ bont beddegoed en gordyne. Gordyne en plafon in stort is gemuf.