Perfek met 'n ongelooflike uitsig. Die eenheid was onberispelik, die ligging absoluut ongelooflik en die weer perfek. Waar huur jy 'n vakansie-eenheid vandag en vind 'n vars bos blomme op die tafel wanneer jy aankom? Baie dankie, Estelle! Dirk het ook onmiddellik aandag gegee wanneer ons iets gevra het en ons het sommer tuis gevoel. Ons sal baie beslis weer gaan en beveel hierdie eenheid aan vir elkeen wat net rustig kop wil skoonmaak.

Rustige, heerlike vakansie! Ons verblyf by Breakerview Bay 26 was baie lekker! Trafalgar is 'n baie rustige, netjiese en skoon omgewing, met 'n baie lang strand om langs die see te stap. Alhoewel daar nie baie winkels naby is nie, is Ramsgate en Port Edward nie te ver nie. Die eenheid is baie netjies en goed ingerig, en die uitkyk op die see is voorwaar iets besonders! Jy kan sommer op die stoep sit en kyk wat op die strand aangaan. Die rusbanke in die TV-kamer is voorwaar 'n pluspunt en kan jy ook daar lekker ontspan. Ons het baie veilig gevoel met die sekuriteitswagte wat ook gereeld patroleer, en almal was baie vriendelik. Daar is ook voorsiening gemaak om in geval van beurtkrag lig te hê en op gas te kan kos maak (ons het gelukkig geen kragonderbrekings gehad nie). Sal beslis eendag weer hier vakansie wil hou!

Pragtige view. Baie gerieflik met als wat nodig is. Heerlike rustige wegbreek. Great view!

Veilige, lekker verblyf met asemrowende see-uitsig. Ons het baie lekker gebly. Ek sal definitief die plek aanbeveel. Ek kon my kinders van die stoep af sien wanneer hulle geswem het op die strand. Die eienaars van die ander eenhede was almal so vriendelik en ons het vinnig vriende gemaak by die gesamentlike braai-area. Die eenheid het alles wat mens benodig.

Baie baie goed. Trafalgar strand. Is die mooiste strand. Die woonstel se view is ongelooflik. Dis om op die bed te lê en die see te sien. Ongelooflike uitsig.

Asemrowende see-uitsig, stil, veilig en prag tuine. Die plek teen die oseaan met die perfekte see-uitsig. Mens leef op die stoep, lowergroen grasperk. See-uitsig galore vanuit woonstel. Veiligste goed versorgde strand. Heerlik in die oseaan se louwarm water geswem, asook in kompleks se uiters skoon swembad. Hier wil mens net bly en elke oomblik van die see geniet. Dis so in die natuur met rus en vrede vir die siel. Woonstel in puik kondisie, silwerskoon met kwaliteit beddens en meubels.

Breakerview Bay 26 het 100% aan my verqagtinge voldoen. Breakerview Bay 26 was presies waarvoor ek gehoop, beplan en na uitgesien het. Die uitsig was my primêre vereiste, en die werklikheid het nie beskaam nie. Die omgewing (Southbroom) is stil en skoon en het veilig gevoel. Die woonstel self, asook die kompleks-gronde, is pragtig netjies en goed onderhou, met vriendelike en hulpvaardige wagte. Die eienaar is maklik bereikbaar, vriendelik en professioneel, en antwoord so te sê onmiddellik op navrae (nie dat ek baie gehad het nie). Ek sal Breakerview Bay 26 enige tyd aanbeveel. Baie dankie vir 'n heerlike kuier, Dirk.