Brenaissance Wine & Stud Estate

B&B

Kapasiteit: 34 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Devon Valley-weg, Devonvallei, Stellenbosch, 7599, Wes-Kaap
Vanaf R1 500 per nag (plek vir 2)

Beskrywing

Brenaissance Wine & Stud Estate is sowat 6 kilometer van Stellenbosch se historiese middedorp af en bied aan gaste die ideale basis om die Wynlande te verken. 'Brenaissance' word van die naam 'Breytenbach' en die Franse woord 'renaissance' wat nuwe beginne beteken, afgelei. Dié pragtige en immergroen landgoed is 'n gevestigde wyn- en stoetplaas met moderne plaasverblyf, 'n asemrowende venue en kapel, en 'n Boran-beesstoet van hoë gehalte.

Verblyf is beskikbaar in 8 Vineyards Dubbelsuites, 1 Luukse Suite, die Orchard Suites wat 1 of 2 slaapkamers het en in 'n ateljee. Die eenhede is smaakvol versier in 'n kontemporêre, simplistiese styl met gepolitoerde vloere, moderne, oop en suite-badkamers wat met effekleure versier is en die kamers het geriewe soos WiFi, lugversorging, DStv, tee- en koffiemaakgeriewe en haardroërs.

Hierdie klassieke, elegante landgoed is ook die perfekte plek vir 'n magiese troue, 'n luukse viering of 'n weelderige korporatiewe funksie. Daar is verskeie venues op die perseel wat plek vir tot 200 gaste het. Daar is 'n pragtige kapel, rivierdek, die Brenaissance-saal, pragtige plekke vir foto's, gerieflike verblyf en prentjiemooi tuine. Brenaissance bied die perfekte plek vir konferensies, raadsvergaderings, strategiese beplanningsessies, maatskappy-dae en -spanbousessies. Die landgoed is 'n gerieflike tuiste vir ouers van Maties-studente en bied al die geriewe vir die studente om gehaltetyd saam met hul ouers oor die naweek deur te bring en om 'n gesinsbraai by een van die Orchard Family Suites te geniet.

Kry ’n Kwotasie