Buitenstekloof Witkruis Cottage

Mooiste natuur en stilte.

Die enigste probleem was die 10h00 uitgaan, so my vrou kon dit ongelukkig nie beleef nie, want sou dan moes sit en wag vir 5 ure op 'n ander plek.

Godgelooflike ervaring om so naby aan jou Skepper se skepping te kon wees.

Weens onvoorsiene omstandighede buite ons beheer (stormweer) moes ons noodgedwonge vinnig oppak Sondagaand. Daar is geen selfoonopvangs en dit het onophoudelik gereën, so ons het binne 'n uur klaar gepak en 7 uur Sondagaand teruggery Kaap toe. Ons het net betyds teruggekom, anders was ons ook van die mense wat vasgevang was met die oorstromings. Ons beveel die verblyf met die grootste vrymoedigheid aan as jy wil "connect" met God en Sy skepping. Hier kan jy vir seker weer herlaai. Jy het die nodige geriewe om te doen wat jy tuis ook kon doen as dit by etes kom. Alles is daar. Jy mis nie eens jou luuksighede van jou huis nie. Daar is 'n heerlike kaggel asook 'n gasverwarmer. In die somer is daar baie meer aktiwiteite om aan deel te neem, soos fietsry en die staproetes doen, asook die voëls bewonder, en die pragtige plantegroei.

Solitude. Quietness. Setting is unbelievable.

An excellent 3-night break away to read and do nothing. There was a massive storm and the rain on the roof and passing river sounded amazing. Highly recommended.

Buitenstekloof Mountain Cottages het ons wildste verwagtinge oortref!

In die 2 dae wat ons hier was, het dit gevoel asof ons vir 'n week lank op vakansie was. Die natuurskoon is absoluut asemrowend. Om op so manier deel te word van die natuur - aanvoelbare stiltes, pragtigste voëlgeluide, kabbelende waterstrome, sonsondergange wat prentjiemooi is en 'n sterreprag wat onbeskryflik is! Die hoogtepunt was natuurlik die verhitte swembadjie! Wat meer wil jy dan nou hê? As jou behoefte is om batterye te laai, is Buitenstekloof Mountain Cottages jou antwoord!

Heaven is a place on earth...

And we found it at Buitenstekloof Mountain Cottages! The rustic simplicity of Witkruis Cottage was exactly what we needed for a couple's weekend away. Our only regret was that we couldn't stay longer.

Stil, rustig, en ontspannend.

Perfekte plek om te gaan afskakel met 'n lekker boek. Pragtige ligging met berge en fynbos waar jy kyk. Die kothuis het alles wat jy benodig en nog baie meer.

Off the grid well rested.

Baie rustig in die berge. Robertson is baie naby en mooi berge as back drop. Awesome plekkie.

Lekker rustig, lekker breek.

Dit berge reg rondom die huisie was mooier as wat ons verwag het. Huisie was ook goed toe gerus. Vat dalk net bietjie ektra blits saam. Sal beslis weer daarso gaan lam lê in die lekker warm swembadjie.

Dit is 'n pragtige huisie vir twee. Alles wat jy soek is daar. Die bed slaap so lekker. Dit het ongelukkig gereën so ons kon nie al die staproetes doen of die hot tub benut nie. Sal weer soontoe gaan.

Waarsku dat hout nodig gaan wees vir hot tub en stel voor dat dit vooraf gereël en betaal word. Hulle noem van hout, maar nie dat jy hele klomp gaan nodig hê nie. Wingerdhout brand ook te vinnig. Al voorstel wat ek het.

Wat 'n fantastiese ligging vir rus en vrede.

Die huisie is pragtig en net wat 'n mens nodig het. Die uitsig van oral is asemrowend. Ons het heerlik gaan stap en fiets gaan ry. Die enigste wat ons nog sou wou doen, was swem/roei, maar die swemgat/dam is nie heeltemal geskik daarvoor nie.

Pragtige uitsigte. Heerlike gasverwarmer. Die beste kaggel/binnebraai.

Pragtige uitsigte. Gemaklike tuiste vir 2 mense. Heerlike gasverwarmer, was 'n redding in die koue. Pragtige bedlinne. Die huisie was mooi skoon. Die beste was die wonderlike kaggel/binnebraai wat goed trek. Daar was die volgende oggend geen reuk of teken dat daar die vorige aand gebraai was nie. Baie goeie gasyskas, tweeplaatgasstofie. Warmwater- en kouewatertoevoer baie goed. Toilet werk goed. Stort baie goed. Iets om te oorweeg is 'n klein tafel en 2 stoele in plaas van die halwe vaatjie. Die volgende het aandag nodig: die bed moet binnekort vervang word, daar is 'n los spons bo-op die matras, die sitkamer is uiters ongemaklik, maak jou rug seer. Moes op kampstoele sit, gelukkig het ons ons kampstoele by ons gehad. Ons stel byvoorbeeld voor om die lae bankie en 2 hangmat-stoele uit te haal en eerder 2 gemaklikes in te sit. 'n Mens moet op jou skoot eet. So dit kan 2 gemaklike regop stoele wees. Was stoep se plastiese stoele en staaltafeltjie. Vir behoud mag die eienaar dalk wil oorweeg om die waterpype by die kombuis en stort vas te maak teen die muur. Dit is pragtige waterpype. Oor die algemeen 'n pragtige plek, sal graag weer wil besoek.