Beskrywing

Hierdie seefront-villa is geleë in Caribbean Estates, 'n unieke privaat oord in die tropiese omgewing van Suid-Afrika se KwaZulu Natalse Suidkus, sowat 4 km noord van die klein vakansiedorpie Port Edward.

Dié dubbelverdiepingvilla het 'n groot oopplan-leefarea en beskik oor lugversorging, platskerm-TV met DStv en 'n DVD-speler. Die sitarea lei na 'n patio met braaigeriewe. Die villa het 6 individueel versierde slaapkamers en 4 badkamers. Elke slaapkamer het 'n koningingrootte-bed en 2 slaapkamers het en suite-badkamers.

Die villa is stapafstand vanaf die ongerepte strand en rivier, wat toeganklik is via skilderagtige wandelpaaie deur 'n pragtige bewaringsgebied. Die verskeidenheid voëlspesies, kleinbokspesies en Samango-apies wat in dié bewaringsgebied voorkom, kan dikwels selfs vanaf die villa se patio besigtig word.

Fasiliteite op die landgoed sluit 'n pragtige swembadkompleks, alle weer verligte tennisbane, tafeltennis en 'n klein speelgrond vir kinders in. Gaste word toegelaat om eie bote saam te bring of gebruik te maak van die bote, jetski's en ander toerusting by Waterworld oorkant die rivier. Hierdie goed gevestigde landgoed bied 24 uur-sekuriteit. Die Landgoed is ideaal vir buitelugtroues en bied 'n manjifieke uitsig oor die Indiese Oseaan en maklike strandtoegang.