Casa Albergo Guest House

Gastehuis

Kapasiteit: 36 persone
Geen kinders
Inkloktyd: 14:00 tot 20:00
Uitkloktyd: 10:00
Adres: Mountain-laan 1215, Ninapark, Akasia, 0156, Gauteng
Vanaf R1 500 per nag, vir 2 mense
TGCSA-gradering:

Beskrywing

Casa Albergo Guest House is in 'n rustige tuin in die stil woonbuurt Ninapark, teen die hange van die Magaliesberge met sy asemrowende uitsigte, in die noordelike voorstede van Pretoria, naby Rosslyn, geleë. Die gastehuis bied persoonlike diens en gehalteverblyf.

Verblyf word gebied in stylvolle, ruim kamers, suites en 'n selfsorgwoonstel. Elke kamer is ingerig met 'n koningingrootte-bed en 'n en suite-badkamer met 'n bad, stort, toilet en wasbak. Ander geriewe sluit 'n TV met DStv, WiFi, lugversorging, 'n yskassie, tee- en koffiemaakgeriewe in.

Ontbyt is ingesluit en aandete is beskikbaar teen 'n ekstra fooi.

Casa Albergo bied ook 'n kroeg en braai-area, 'n TV-sitkamer en 'n swembad. 'n Pendeldiens en 'n wasgoeddiens kan albei op versoek voorsien word. Daar is ook oorgenoeg veilige parkeerplek vir gaste. Die vermaakarea het die kapasiteit om tot 12 mense te akkommodeer, en is die perfekte omgewing vir troufoto's, sowel as ander sake- of privaatfunksies.

Casa Albergo is 'n eko-vriendelike gastehuis met sonkragstelsels om elektrisiteit te voorsien asook 'n bloudruppel boorgat vir skoon veilige water.

Kry ’n Kwotasie