Casa Cosmo

Gastehuis

Soos Gesien op Facebook
Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: 13de Straat 7, Shelley Point, St. Helenabaai, 7282, Wes-Kaap
Vanaf R6 000 per nag (plek vir 8)

Beskrywing

Casa Cosmo is 'n luukse vakansiehuis in St. Helenabaai aan die Weskus en is ideaal vir diegene wat op soek is na 'n blyplek waar hulle blywende herinneringe saam met geliefdes kan skep.

Die ruim huis bied slaapplek aan 8 gaste en beskik oor 4 slaapkamers en 4 badkamers. Die eerste slaapkamer het 2 enkelbeddens wat in 'n koninggrootte-bed omskep kan word en 'n en suite-badkamer met 'n stort, bad, wasbak en 'n toilet. Die ander 3 slaapkamers het elk 'n koningingrootte-bed en 'n en suite-badkamer met 'n stort, wasbak en 'n toilet.

Die oopplan-kombuis het 'n etenstafel met sitplek vir 8 en is met 'n stoof, oond, mikrogolf, broodrooster, lugbraaier, drukkoker, ketel, yskas-vrieskas, breekware, eetgerei en verskeie ander toebehore toegerus. Daar is ook 'n skottelgoedwasser, wasmasjien en 'n ysmasjien. Die sitarea het gemaklike rusbanke en 'n slim-TV met YouTube en Netflix. Gratis WiFi is beskikbaar. Die huis het ook 'n omsetter vir kragonderbrekings.

Daar is 'n balkon met sitplek op die boonste verdieping en op die onderste verdieping het 'n binne-buite-kuierarea met braaigeriewe en 'n etenstafel. Buite is daar ook 'n swembad met sonstoele.

Die huis is ideaal vir gaste wat op soek is na 'n vakansie vol avontuur of ontspanning en gehaltetyd saam met geliefdes.

Veilige parkeerplek is beskikbaar.

Kry ’n Kwotasie