Castelton

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Castleton 31, Piesangvalleiweg, Plettenbergbaai, 6600, Oos-Kaap
Vanaf R2 000 per nag (plek vir 8)

Beskrywing

Castelton is 'n lieflike selfsorg-eenheid in die hartjie van Plettenbergbaai en is ideaal vir 'n groot gesin of 'n groep vriende.

Dié drieverdiepinghuis bied slaapplek vir altesaam 8 gaste op 'n slag en beskik oor 4 slaapkamers en 4 badkamers. Die eerste verdieping beskik oor die hoofslaapkamer wat met 'n koninggrootte-bed ingerig is, asook 'n en suite-badkamer met 'n bad. Daar is nog 'n slaapkamer met 'n dubbelbed op hierdie vlak met 'n en suite-stort. Die tweede verdieping het 'n slaapkamer met 'n dubbelbed asook 'n en suite-badkamer met 'n bad.

Die vierde slaapkamer is op die grondvlak en beskik oor 2 enkelbeddens. Die vierde badkamer is ook op hierdie vlak en het 'n stort. Alle linne en badhanddoeke word voorsien, maar gaste moet hul eie swemhanddoeke saambring.

Die kombuis is op die grondvlak geleë en dit is volledig toegerus met 'n stoof, oond, mikrogolf, yskas-vrieskas, koffiemasjien, eetgerei en breekware. Vir gaste se gerief is 'n skottelgoedwasser, wasmasjien en tuimeldroër beskikbaar. Op hierdie vlak is daar ook 'n formele sitkamer en eetkamer met 'n TV met 'n volledige keuse van DStv-kanale. Op die boonste vlak is 'n braaikamer met nog 'n etenstafel, 'n gasbraai en nog 'n TV met 'n volledige DStv-pakket.

Gaste kry veilige parkeerplek by die huis asook volle toegang tot die landgoed se gemeenskaplike geriewe soos 2 swembaddens, 'n speletjieskamer, 'n putt-puttbaan asook tennisbane. Die middedorp, restaurante, skole, hospitale en belangrike geriewe is minder as 2 km weg.

Kry ’n Kwotasie