Ons kuier was die beste. Ons het baie lekker gebly. Dit is 'n baie rustige plek weg van ander. Die plek was netjies skoon en laat jou gemaklik voel. Baie spasie binne en 'n mooi uitkyk na die natuur.

Vriendelike ontvangs, lekker groot plek en rustig en stil. Was heerlik! Pragtige blomme op perseel. Huisie het my aan my ouma se plek laat dink!

Spasie. Ons hou van spasie en die huis was meer as voldoende. Die gasvrou is baie vriendelik en behulpsaam en ons sal definitief weer daar gaan bly.

Baie lekker gekuier. Dit is 'n pragtige ou huis met lekker plek om binne of buite te kuier. Die prys is baie goed vir slaapplek vir 8 persone.

Die stories wat daardie 2 salami's kan vertel. Ons was baie skepties toe ons ingestap het, veral toe ons die aanwysings vir die stort gekry het. Maar - ons het heerlik gestort. Almal het baie warm water gehad. Ons gasvrou het vir ons elektriese komberse gebring want dit was baie koue weer gewees, maar dit was amper nie eens nodig nie. Almal het saamgestem dat hulle heerlik geslaap het. Die beddens en kussings was baie gemaklik en die beste van als was ons geskenkie wat op die tafel gewag het. Ongelukkig moes ons vroeër uitboek en ons het 2 salami rolle in die yskas vergeet. Sou nie 'n groot skade gewees het nie, maar hulle het uit Rome saamgetoer en ons het uitgesien om hulle te eet. Het seker gemaak dat die koerier hulle die volgende dag gekry het. Ja, lag maar. Dit was regtig baie bedagsaam van haar gewees.