Chinaka Game Lodge

Wildsplaas

Kapasiteit: 18 persone
Alle ouderdomme is welkom
Inkloktyd: 12:00 tot 19:00
Uitkloktyd: 10:00
Adres: Wintersvelde Plaas, 15 km noord van Vivo, Vivo, 0924, Limpopo
Vanaf R1 300 per nag, vir 2 mense
TGCSA-gradering:

Beskrywing

Chinaka Game Lodge is 'n privaat, afgeleë en bekostigbare lodge in die hartjie van die Bosveld in Limpopo. Dié lodge is naby Vivo en Alldays, net 3,5 uur se ry vanaf Pretoria en op pad na die Mapungubwe Wêrelderfenisgebied.

Ons het 7 privaat chalets, elkeen met 'n en suite-stort, lugversorging en 'n kluis. Die lodge het verder 3 selfsorgeenhede.

Die lodge het ook 'n kombuis vir spyseniering of selfsorg, 'n gemeenskaplike TV-area, 'n kroeg, boma met braaigeriewe, 'n skitterende swembad, en WiFi-toegang.

Verder is daar 'n dek met 'n uitsig oor die watergat waar jy rustig kan kyk hoe die wild en voëls kom drink. Wildritte is ook beskikbaar - wees op die uitkyk vir kameelperde, sebras, koedoes, elande, luiperds, jagluiperds, gemsbokke, en njalas, om maar 'n paar te noem. Vir gaste met 'n bietjie energie is daar ook wildwandelinge en -staproetes wat afgesluit word met skemerkelkies.

Chinaka is ideaal vir klein geleenthede (5 tot 50 gaste). Ons help jou graag om jou konferensie, vergadering, werkswinkel, skoolfunksie, bruidstee, godsdienstige funksie of spanbousessie te reël.

Kry ’n Kwotasie