Clifton First Beach

Selfsorg

Gratis kansellasie tot 1 week voor jou verblyf!
Kapasiteit: 2 persone
Geen kinders
Inkloktyd: 14:00 tot 23:00
Uitkloktyd: 10:00
Adres: Victoria-weg 57, Clifton, Kaapstad, 8005, Wes-Kaap
Vanaf R2 000 per nag (plek vir 2)

Beskrywing

Clifton First Beach is 'n pragtige selfsorgvakansiewoonstel in 'n veilige gebou in die hartjie van Clifton, Kaapstad. Dit is 'n wonderlike opsie vir beide plaaslike inwoners en toeriste wat die pragtige Moederstad wil verken.

Dié ateljeewoonstel bied gerieflike slaapplek aan 2 gaste en beskik oor 'n oopplan-ontwerp. Dit het 'n koningingrootte-bed en die badkamer het 'n stort, wasbak en toilet. Alle linne en badhanddoeke word voorsien, maar gaste moet egter hul eie strandhanddoeke saambring.

Hierdie ateljee het ook 'n kombuis wat met 'n tweeplaatstoof, mikrogolfoond, yskassie, eetgerei en breekware asook 'n koffiemasjien toegerus is. Daar is 'n gemaklike sitarea en 'n TV met Netflix. Gratis WiFi is beskikbaar.

Die skuifdeure lei na 'n balkon met 'n tafel en stoele wat die perfekte plek is vir beide 'n oggendkoffie en 'n skemerkelkie terwyl gaste die uitsig geniet. Die MyCiti-bushalte is op die drumpel, wat moeitevrye vervoer na Kampsbaai, Seepunt of die Waterfront bied.

Kry ’n Kwotasie