Coastal Haven

Selfsorg

Kapasiteit: 8 persone
Geen kinders onder 10
Inkloktyd: 14:00 tot 18:00
Uitkloktyd: 11:00
Adres: Hoofweg 33, Misty Cliffs, 7975, Wes-Kaap
Vanaf R5 000 per nag (plek vir 8)

Beskrywing

Coastal Haven is 'n pragtige, opgeknapte dubbelverdieping-selfsorghuis teen die see in Misty Cliffs, Kaapstad. Misty Cliffs is 'n bewarea naby Scarborough en Kommetjie, en net 45 minute se ry vanaf die V&A Waterfront en 15 minute se ry vanaf die groot winkelsentrum in Noordhoek.

Coastal Haven is 'n ruim en gerieflike huis met baie natuurlike lig en 'n mooi uitsig oor die kus wat net 'n paar meter van die huis af is. Dié huis is teen die strand en die pragtige blou Atlantiese Oseaan geleë. Daar is rotse en rotspoele om te verken en branderplankryers sal mal wees oor die branders.

Die huis is geskik vir 8 gaste en het 4 slaapkamers, 4 badkamers en 'n groot oopplan-kombuis en -leefarea, asook 'n eetkamer. Die eerste slaapkamer het 'n koningingrootte-bed en 'n en suite-badkamer met 'n bad en stort. Dié slaapkamer lei na 'n balkonnetjie met 'n tafel en stoele. Die tweede slaapkamer het 'n koningingrootte-bed en 'n en suite-badkamer met 'n stort en 'n balkon wat na die see front. Die derde slaapkamer het 2 enkelbeddens en 'n en suite-badkamer met 'n stort, en die vierde slaapkamer het 2 enkelbeddens en toegang tot 'n aparte badkamer met 'n stort en bad. Dit bied ook 'n pragtige uitsig oor die see en lei na 'n dek wat na die see front.

Die kombuis is met 'n stoof, dubbeloond, mikrogolf, ketel, broodrooster en 'n toonbank met stoele toegerus. Die sitarea spog met gemaklike rusbanke en 'n TV-kamer wat 'n platskerm-TV het. Dié area lei na die eetkamer waar daar 'n etenstafel vir 8 is. Dié 2 areas lei dan na 'n stoep en 'n swembad-area met stoepmeubels en 'n see-uitsig. Daar is ook 'n groot braai op die stoep.

Die oprit is steil en daar is net parkeerplek vir 3 voertuie.

Kom geniet 'n rustige vakansie in dié skouspelagtige omgewing en bewonder die pragtige sonsondergange oor die see met die berge in die agtergrond.

Kry ’n Kwotasie