Cormorants' Cove

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Cormorant-straat 9, Sedgefield, 6572, Wes-Kaap
Vanaf R6 400 per nag (plek vir 8)

Beskrywing

Cormorants' Cove is 'n ruim dubbelverdiepinghuis met merkwaardige strandmeer-uitsigte en word deur welige natuurskoon omring. Dit is 'n ideale toevlugsoord vir gesinne en vriende. Gaste kan met asemrowende, panoramiese uitsigte wakker word en die verblyf is dus ideaal vir avontuuriers en natuurliefhebbers. Die huis in Sedgefield bied maklike toegang tot alles op die Tuinroete.

Die huis bied slaapplek aan 8 gaste en beskik oor 4 slaapkamers en 4 badkamers. Die hoofslaapkamer het 'n koninggrootte-bed en 'n en suite-badkamer met 'n bad, stort, dubbelwasbak en 'n toilet. Die tweede slaapkamer het 2 enkelbeddens en 'n badkamer met stort, toilet en 'n wasbak. Die derde slaapkamer het 'n koninggrootte-bed en 'n badkamer met stort, bad, wasbak en 'n toilet. Die vierde slaapkamer het 2 enkelbeddens en 'n en suite-stort, toilet en 'n wasbak. Die enkelbeddens kan almal in koninggrootte-beddens omskep word. Linne en badhanddoeke word voorsien.

Die huis beskik oor 'n oopplan-kombuis wat met 'n yskas-vrieskas, stoof, oond, mikrogolf, eetgerei, breekware, tee- en koffiemaakgeriewe en 'n skottelgoedwasser toegerus is. Dit strek tot by die eetarea en lei verder na die sitareas met gemaklike sitplek en 'n pragtige uitsig oor die strandmeer. Die TV is net langs die sitarea met 'n kaggel.

Parkeerplek is op die perseel beskikbaar en die verblyf is op 'n stil rif met 'n uitsig oor die strandmeer en die see geleë. Dis ideaal vir gaste wat 'n rustige gesinsvakansie of 'n aktiewe vakansie gevul met nabygeleë kajakvaart-, voetslaan- en seilplankrygeleenthede soek. Gaste kan ook die area se natuurlike wonders geniet.

Kry ’n Kwotasie