Beskrywing

Cosy Cabin in the Suburbs is 'n bekoorlike selfsorg-houthuisie met 'n stoep in 'n privaat, rustige tuin in Pretoria-Oos.

Die eenslaapkamer-cabin bied slaapplek aan 2 volwassenes en 1 jong kind onder die ouderdom van 5. 'n Bababedjie moet deur ouers/voogde voorsien word vir 'n jong kind.

Die eenheid is smaakvol versier en beskik oor 1 slaapkamer met 'n dubbelbed en oorgenoeg kas- en laaispasie. Die badkamer het 'n stort, wasbak en toilet. Linne en handdoeke word voorsien.

Die ruim oopplan-kombuis is met 'n yskas-vrieskas, gasstoof, mikrogolf, basiese eetgerei, breekware en tee- en koffiemaakgeriewe toegerus. Dit lei na 'n eetarea met 'n tafel en stoele wat op sy beurt lei na 'n sitarea met gemaklike rusbanke en 'n studeerarea.

Die houthuisie lei na 'n buite-area met braaigeriewe. Gaste kan ook kyk hoe die voëls en nagapies tussen die bamboes baljaar. Gratis WiFi is beskikbaar.