Cove View B&B

B&B

Kapasiteit: 13 persone
Alle ouderdomme is welkom
Inkloktyd: 14:00 tot 20:00
Uitkloktyd: 09:00
Adres: Corals-singel 25, Oos-Londen, 5500, Oos-Kaap
Vanaf R1 720 per nag (plek vir 2)

Beskrywing

Cove View B&B is langs die Sonskynkus geleë. Hierdie klein paradys omvat die landelike en see-leefstyl. Dis net 10 minute weg vanaf die naaste winkelsentrum. Die 180º-uitsig oor die strand en rotse van die boonste verdieping af is werklik manjifiek. Dis hemels om lekker op die dek te sit met 'n skemerkelkie in die hand terwyl julle braai.

Die verblyf bestaan uit 4 kamers. Die Cove View-kamer het 'n koningingrootte-bed met 'n en suite-badkamer, die Blue Rock-kamer het 'n dubbelbed en en suite-badkamer, die Gesinsuite het 'n dubbelbed, 2 enkelbeddens en 'n en suite-badkamer, en die Sea Breeze-gesinseenheid het 'n dubbelbed, 2 enkelbeddens, 'n en suite-badkamer, kombuis en sy eie ingang.

Blue Rock, Seashell, Cove View en die Gesinsuite is binne die huis. Geriewe op die perseel sluit 'n swembad, binne- en buitebraai, DStv in die kamers en vermaakarea, parkeerplek van die straat af en WiFi in.

Die oord bied 'n gholfbaan, masjien-gholf, tennisbane, swembad en 'n lieflike strand.

Die hele huis kan as 'n vakansiehuis gehuur word. Langtermynbesprekings is beskikbaar op versoek.

Hier vind jy die natuur op sy beste. Op die landgoed sal jy vrylopende bokke, poue en tarentale sien, sowel as een van Oos-Londen se beste strande en visvangplekke. Dié strand is wit en het 'n klein swembaai en baie plek vir snorkel.

Kyk hoe die walvisse en dolfyne in die branders baljaar en staan verstom voor die legendariese Cove Rock wat ryk aan Suid-Afrikaanse geskiedenis is.

Ons is ook net 7 km van Oos-Londen Lughawe, 10 km van die IDZ ('Industrial Development Zone'), 3 km van die resiesbaan en 13 km van Mercedes Benz af.

Kry ’n Kwotasie