Crocodile Bend

Selfsorg

Gratis kansellasie tot 1 week voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Erf 113, Mjejane Reservaat, Hectorspruit, 1330, Mpumalanga
Vanaf R8 000 per nag (plek vir 10)

Beskrywing

Crocodile Bend Lodge is 'n selfsorg-lodge met slaapplek vir 10 in die uitgestrekte Mjejane-reservaat, 60 minute se ry vanaf Mbombela (Nelspruit) se Kruger Mpumalanga Internasionale Lughawe. Dié lodge spog met 'n pragtige uitsig oor die Krugerwildtuin en is op die oewer van die Krokodilrivier gebaseer, waar jy al die besienswaardighede en geluide van die bos kan aanskou.

Verblyf bestaan uit 4 slaapkamers in die hoofhuis en 'n eenslaapkamerwoonstel. Die twee kamers wat na die rivier kyk het 'n koningingrootte-bed terwyl die twee kamers wat na die bos kyk, 2 driekwartbeddens het. Die eenslaapkamerwoonstel het 2 driekwartbeddens, 'n kombuisie en en suite-badkamer. Elke kamer in die hoofhuis het 'n en suite-badkamer en buitestort.

Crocodile Bend bied ook ander geriewe soos 'n sitkamer, eetkamer, kroeg, studeerkamer en 'n volledig toegeruste kombuis met 'n broodrooster, yskas en mikrogolfoond. Dit spog ook met 'n binne-kaggel en buitebraai, 'n swembad en sonsondergangdek, WiFi, DStv, waaiers en lugversorging. Privaat parkeerplek is ook vir gaste beskikbaar en daaglikse kamerdiens met linne en handdoeke word voorsien.

Daaglikse oggend- of saans wildritte met 'n kundige veldwagter is ingesluit, wat jou ervaring van die bos sal verbeter. Vir entoesiastiese gholfspelers is Leopard Creek, Malelane en Komatipoort gholfbane naby. Daar is ook 'n restaurant op die perseel by die hooflodge.

Kry ’n Kwotasie