Crocodile Bend

Selfsorg

Gratis kansellasie tot 1 week voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Erf 113, Mjejane Reservaat, Hectorspruit, 1330, Mpumalanga
Vanaf R8 000 per nag (plek vir 10)

Beskrywing

Crocodile Bend is 'n selfsorg-lodge vir 10 gaste op die Mjejane Reservaat, net 60 minute se ry van Mbombela (Nelspruit) se Kruger Mpumalanga Internasionale Lughawe af. Die reservaat bied 'n pragtige uitsig tot in die Krugerwildtuin en is aan die oewer van die Krokodilrivier waar gaste die klanke van die bos kan geniet.

Die huis beskik oor 4 slaapkamers en daar is 'n eenslaapkamerwoonstel. Die twee kamers wat na die rivier front het elk 'n koningingrootte-bed en die kamers wat na die bos front het elk 2 driekwartbeddens. Die eenslaapkamerwoonstel het 2 driekwartbeddens, 'n kombuisie en 'n en suite-badkamer. Elke kamer in die hoofhuis het 'n en suite-badkamer en 'n buitestort.

Daar is 'n sitarea, eetarea, 'n kroeg, studeerarea en 'n kombuis wat met 'n broodrooster, yskas en 'n mikrogolf toegerus is. Die huis het ook 'n kaggel en 'n buitebraai, 'n swembad, dek, WiFi, DStv, waaiers en lugversorging. Daar is privaat parkeerplek en 'n daaglikse skoonmaakdiens en linne en handdoeke word voorsien.

Daaglikse oggend- en aandwildritte deur 'n kundige wildbewaarder is ingesluit. Vir entoesiastiese gholfspelers is Leopard Creek, Malelane en Komatipoort se gholfbane naby. Daar is ook 'n restaurant op die perseel by die hooflodge.

Kry ’n Kwotasie