Liewe gasheer en gasvrou. Goeie seeuitsig. Mooi berg. Ons kon goed uitrus. Baie lekker. Dankie vir die hartlike ontvangs en huislikheid.

Wonderlike wegbreek naweek! Guy en Alta was uiters gasvry. Pragtige uitsig van berg en see, asook 'n gerieflike huis met alles wat jy nodig het, het gesorg vir 'n heerlike wegbreek naweek saam met ons kinders. Kan definitief aanbeveel, en sal beslis weer gaan kuier!

Skoon, goed toegeruste en groot eenheid! Baie goed toegeruste eenheid met hope spasie en pragtige uitsigte na die berg en see. Die binnebraai was 'n welkome bonus. Linne, dekor en meubels getuig van goeie smaak en die internet toegang was konstant van goeie gehalte. Kommunikasie was goed vandat die bespreking bevestig is en tydens ons verblyf. Die gasheer en sy vrou het moeite gedoen om ons welkom te laat voel, sonder om inbreuk op ons privaatheid te maak. Vir ons as gereelde reisigers was hierdie verseker van die beste waarde vir geld-opsies tot dusver. Baie dankie dat julle letterlik aan alles gedink het om sodoende ons verblyf gemaklik te kon maak.

Uitstekende verblyf, ongelooflike uitsig, gasvrye eienaars. Uitmuntend! Cyara het alle verwagting oorskry. Die reël is gewoonlik dat ‘n mens verwag en kry waarvoor jy betaal. Ons het veel meer as wat ons verwag het gevind. Die meubels en dekor is eg gewortel in die tradisionele en wek die mooiste nostalgie by enige trots Afrikaanssprekende besoeker op. Alles (regtig alles) is silwerskoon, gemaklik en goed onderhou. Voeg daartoe ‘n uiters goed toegeruste kombuis, binne- en buitebraai, fantastiese uitsig van beide berg en see. Ja wel, dan het jy ‘n uitstekende kuierhuis vir jou verblyf in Betty’s. Ek kan getuig dat geen van die foto’s op die advertensie gedokter is nie, dit is presies hoe dit daar lyk. Die ligging van die huis plaas dit aan die einde van Betty’s en vergemaklik dus ‘n reis na beide Kleinmond of die middedorp van Betty’s. Veiligheid is nie eens nodig om te bespreek nie, daar is genoegsame voorkoming getref sonder om die spasie soos ‘n tronk te laat voel. Die WiFi is verbasend vinnig, soveel so dat as besoeker jy gemaklik enige stroomdiens, soos Netflix ens., kan gebruik. Ek stel voor jy los jou dekodeerder by die huis en bring eerder jou “TV Stick” of soortgelyk saam, werk soos ‘n bom. Die internet, ligte ens. word nie deur Eskom geaffekteer nie, danksy bystandbatterye (geen raserige opwekkers nie). Vir alles verder (insluitende warm water) is daar gas. Die kersie op die koek is egter die gasheer en gasvrou. Vriendelik, gasvry en behulpsaam. respekteer jou privaatheid en laat jou en jou gesin toe om net eenvoudig te kuier, ontspan en julle eie ding te doen. Weereens, teen hierdie pryspunt, staan Cyara kop bo water gemeet teenoor die aanbiedinge in dieselfde kategorie.

Dit was fantasties. Uitsig is ongelooflik mooi. Sal vir seker weer 'n draai daar gaan maak. As jy rustigheid wil hê en wil ontspan, is dit vir seker die plek om te wees.

Ons het die drie dae en nagte baie, baie geniet - was heerlik! Wonderlike, rustige, gemaklike verblyf, met wonderlike uitsig oor die see en berge. Alles gehad wat ons benodig het. Eienaars baie vriendelik en behulpsaam. Vinnig na Kleinmond toe, sowel as terug na Bettysbaai se hoofgedeelte.

Rustig en definitief waarde vir geld. Verblyf by Cyara is alles waarvoor jy wens vir jou naweek of vakansie. Privaatheid, die ongelooflikste uitsig met die berg agter jou en die see voor jou. Die netheid, ruimte en die vriendelike ontvangs laat jou besef, hier gaan ons lekker bly! Volledig toegerus met die lekkerste binnebraai en plek vir vriende en familie. Gaan rus by Cyara. Jy gaan nie spyt wees nie.