Daskop Game Farm

Selfsorg

Kapasiteit: 12 persone
Alle ouderdomme is welkom
Inkloktyd: 11:00 tot 18:00
Uitkloktyd: 16:00
Adres: Hermanus-plaas 297, Parys, 9585, Vrystaat
Vanaf R2 400 per nag (plek vir 12)

Beskrywing

Daskop Game Farm bied selfsorgverblyf op 'n privaat wildreservaat wat ongeveer 15 km vanaf Parys-sentraal geleë is. Dié plaas sorg vir 'n rustige wegbreek vanaf die stadslewe.

Die plaashuis is ideaal vir 'n groot groep vriende of familie van tot 12 gaste en beskik oor 4 slaapkamers en 2 buitebadkamers. Elke slaapkamer het 'n koningingrootte-bed en 'n enkelbed en die buite-badkamers het 'n stort, bad en beskutte toilet. Daar is ook 'n aparte stort. Die warme water word deur 'n gasgeyser voorsien. Al die slaapkamers het ingeboude kaste en linne word voorsien.

Die kombuis is met 'n gasyskas, vrieskassie en gasstoof toegerus en daar is 'n groot kaggel in die braai-area. Verder is daar 'n pizza-oond en koppelpunte waar gaste hul toestelle kan laai. Daar is 'n gasyskas- en vireskas, asook sonpanele vir basiese noodsaaklikhede.

Gaste kan verskeie aktiwiteite soos wildritte geniet, voetslaan-, bergfiets- en wandelpaadjies op die plaas verken en daar is ook 'n skietbaan.

Kry ’n Kwotasie