De Ark Guest House

B&B

Kapasiteit: 22 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Kantoorstraat 37, Lydenburg, 1120, Mpumalanga
Vanaf R1 200 per nag (plek vir 2)

Beskrywing

De Ark Guest House bied luukse akkommodasie in 'n koloniale styl in die middel van Lydenburg in die Kruger Laeveld. Die gastehuis is net 90 minute vanaf die Krugerwildtuin en 10 minute vanaf die Gustav Klingbiel Natuurreservaat met sy bergfiets en staproetes, 'n museum, kultuur- en erfenisterreine en grootwildkykplekke.

Die gastehuis het 'n reeks luukse en suite-woonstelle wat kamers met 2 driekwartbeddens, dubbelbeddens en koningingrootte-beddens insluit. Elke kamer is gemeubileer om 'n ander tydperk te weerspieël met 'n eklektiese mengsel van stylmeubels en keurige materiale om die glorie van vervloë tydperke vas te vang. Elke selfsorgwoonstel is behoorlik toegerus en het 'n volledige kombuisie met 'n stoof, mikrogolf en yskas, en beskik ook oor 'n satelliet-TV, elektriese komberse, verwarmers vir die winter en waaiers vir die warm somersdae. Ons intieme wittebroodkamer het 'n luukse spa-bad.

Die pragtige ontwerperstuin bied 'n ontspanne breek van die alledaagse lewe en het 'n manjifieke swembad, gazebo en terras wat ideaal is vir privaat funksies, braaigeriewe en veilige parkeerplek van die straat af. Ontbyt word as 'n heilsame plaasete in die eetkamer met sy balkplafonne en oop kaggel voorgesit en in die somer word ontbyt op die stoep of in die lieflike gazebo voorgesit.

Die manjifieke gastekamers is luuks gemeubileer en het toegang tot 'n Victoriaanse teetuin wat tussen roosbome versteek is en 'n puik restaurant. Hier by ons kan jy terugkeer na toeka se dae waar spoggerige geleenthede aan die orde van die dag was. De Ark Guest House het ook 'n venue vir korporatiewe funksies, vergaderings en intieme kunsfunksies in die luukse Bonaparte Teater. Vir ware romantici is De Ark Guesthouse die perfekte onthaal-venue vir 'n sprokiestroue. Ons doen geleentheidsbeplanning, behartig die seremonie onder 'n gazebo en reël die onthaal. Die wittebroodsuite en ander akkommodasie is beskikbaar aan gaste.

As gaste 'n bietjie langer hier bly kan hulle die skouspelagtige besienswaardighede in die Kruger Laeveld verken. Dit sluit die Panorama-roete met die Blyderiviercanyon, Bourke's Luck Potholes, God's Window, Graskop, Sabie, Hoedspruit en die Krugerwildtuin in. Na 'n dag van verkenning kan gaste by The Fickle Fox, 'n baie gesellige kroeg en sigaar-sitkamer in.

Die gastehuis is gerieflik geleë vir daguitstappies na dié plekke en is ook naby verskeie avontuur-doendinge, voëlkyk- en forelvisvangplekke en kultuur- en erfenisterreine. De Ark Guesthouse is die perfekte blyplek vir paartjies, enkelreisigers, sakereisigers, gesinne met kinders en groot groepe.

Kry ’n Kwotasie

Dít is wat jy hier sal kry

Tee en koffie

Gratis, veilige parkeerplek

WiFi

Wasgoeddiens

Swembad

Ontbyt beskikbaar

Resensies

4.9/ 5

Gebaseer op 18 resensies

Uitstekend

Netheid

4.9

Ligging

4.8

Waarde vir geld

4.9

Diens

4.9

Veiligheid

4.8

Gaste se hoogtepunte

Andre R

Saam met lewensmaat

5.0

Fantasties. Ons het gevoel asof ons met ou vriende weer bymekaar gekom het, met Francis & Barnie.

Mei 2024

Matheldah S

Saam met vriende

5.0

Fabulous. Everything was top notch, from the rooms, the location, the management, and the place is very safe.

Word in die oorspronklike taal vertoon.

Apr 2024

Sunel S

Saam met lewensmaat

5.0

Uitsonderlik. Uitsonderlike mooi gastehuis met al die geriewe en karakter om mens dadelik tuis te laat voel.

Feb 2024

Riette V

Saam met vriende

5.0

Vakansie binne 'n vakansie. Heerlike ervaring, diens en gasvryheid uitstekend.

Jan 2024

Rene L

Saam met lewensmaat

5.0

Baie vriendelike en goeie diens - gevoel soos familie toe ons Sondag ry - lekker ontbyt elke dag. Awesome personeel en baie hulpvaardig, nie omgegee o...

Sien meer

Mei 2023

Sien al 18 resensies