De Branders Woonstel No 67

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Paardekraal Laan `, De Branders 67, Hartenbos, 6520, Wes-Kaap
Vanaf R2 600 per nag (plek vir 4)

Beskrywing

De Branders Woonstel No 67 is 'n ruim selfsorgwoonstel vir 4 aan die kusfront in Hartenbos.

Die dupleks-woonstel is op die derde verdieping en is maklik bereikbaar via die parkeerterrein. Daar is 2 slaapkamers en 2 badkamers op die eerste verdieping. Die hoofslaapkamer lei na 'n stoep met 'n see-uitsig en het 'n dubbelbed. Die kamer het 'n en suite-badkamer met 'n stort en toilet.

Die tweede slaapkamer het 2 enkelbeddens en gebruik 'n badkamer met 'n stort, bad en toilet. Linne word voorsien, maar gaste moet asb. hul eie strand- en badhanddoeke saambring.

Die oopplan-kombuis is op die grondverdieping en is met 'n stoof en oond, mikrogolf, yskas-vrieskas, tee- en koffiemaakgeriewe, Nespresso-masjien en 'n etenstafel toegerus.

Die sitarea het 'n TV en as gaste DStv wil kyk moet hulle asb. hul eie dekodeerder, slimkaart en afstandbeheer saambring. Glasstapeldeure lei vanaf die leefarea na 'n onderdakstoep met 'n ingeboude braai en 'n 180°-uitsig oor die see. Van hier af kan gaste gereeld skole dolfyne sien, asook robbe wat in die golwe speel en met geluk dalk 'n walvis. Die Strandverhoog voor op die hoofstrand bied vermaak aan kinders gedurende die skoolvakansie.

Gaste het toegang tot 'n gemeenskaplike braai-area en die swembaddens; een vir volwassenes en een vir kinders. Wasgeriewe is beskikbaar en daar is onderdakparkeerplek vir 1 voertuig en 'n sleepwaentjie. Ongelukkig word troeteldiere nie toegelaat nie.

Die kompleks het direkte toegang tot die strand en is net 500 m vanaf Hartenbos se seefront wat verskeie winkels, restaurante en 'n waterpark het.

Kry ’n Kwotasie

Kamer-opset

Slaapplek vir 4 mense • 2 Slaapkamers • 2 Badkamers, 1 en suite

Slaapkamer

En suite

1 x Dubbelbed

Stort, Toilet

Slaapkamer

2 x Enkelbed / Driekwartbed

Badkamer

Stort, Bad, Toilet

Dít is wat jy hier sal kry

Gratis, veilige parkeerplek

Swembad

Braai

Resensies

4.7/ 5

Gebaseer op 25 resensies

Uitstekend

Netheid

4.1

Ligging

5.0

Waarde vir geld

4.6

Diens

4.8

Veiligheid

4.9

Gaste se hoogtepunte

Lindie M

Gesin met tieners

5.0

Great akkommodasie wat als spotless was! Fantastiese woonstel, op die "prime spot". Ons gasheer was vriendelik en elke minuut behulpsaam. Als was in d...

Sien meer

Sep 2024

Johan D

Gesin met klein kinders

5.0

Heerlike plek, mooi uitsig. Baie lekker gekuier.

Jun 2024

Christiaan W

Saam met lewensmaat

5.0

Ongelooflik lekker gebly. Ons verblyf by De Branders woonstel 67 was werklik 'n hoogtepunt. Daar is beslis niks negatiefs om te sê nie.

Mrt 2024