Diamant Estate

Gastehuis

Kapasiteit: 24 persone
Alle ouderdomme is welkom
Inkloktyd: 14:00 tot 17:00
Uitkloktyd: 11:00
Adres: Suid-Agter-Paarl-pad, Paarl, 7624, Wes-Kaap
Vanaf R1 550 per nag (plek vir 2)

Beskrywing

Diamant Estate se herehuis weerspieël 'n mengsel van Kaaps-Hollandse en Victoriaanse argitektuur en is in 1821 gebou. Die huis is sedertdien al telkemale opgeknap.
Diamant Estate is 'n nuut ontwikkelde lokaal vir troues en funksies net buite die Paarl. Die historiese geboue is opgeknap en gekombineer met kontemporêre kenmerke. Diamant Estate het ook 'n intieme kapel, ontwerperstuine en 'n luukse gastehuis.

The Manor House bied verskeie geriewe in 4 luukse slaapkamers met lugversorging, 'n groot hemelbed óf 'n antieke koningingrootte-bed, platskerm TV's en Nespresso-masjiene. Elke en suite-badkamer het 'n dubbel wasbak en ondervloerse verhitting. Dié gastekamers wat onlangs opgeknap is, deel 'n leef- en eetarea, asook 'n kombuisie.

The Pioneer House bied 8 dubbelkamers, waarvan 2 kamers dubbelbeddens het en die ander 6 kamers het 2 enkelbeddens. Al die kamers het groot en suite-badkamers, asook koffie- en teemaakgeriewe, lugversorging en ondervloerse verhitting. Die klassieke kamers het ook 'n klein sit area. Standaardkamers is klein maar gemaklik en het koffie- en teemaakgeriewe, lugversorging en ondervloerse verhitting.

Op die perseel is 'n ou kapel met sitplek vir 120 gaste. Die hoof ontvangslokaal het plek vir 140 gaste en die Bam lokaal het plek vir 30 gaste. Red Pepper Catering is verbonde aan die landgoed en voorsien die spyseniering.

Die gastehuis lê aan die voet van die suid-westelike Paarlberg en is sowat 6 km vanaf die Paarl. Hier kan gaste rustigheid, natuurskoon en asemrowende uitsig op Tafelberg verwag.

Kry ’n Kwotasie