Baie lekker gebly. Ons het lekker gebly, dit het 'n binnebraai wat baie gesellig is.

Netjies, skoon en toegerus met alles wat jy nodig het. Ons was 3x volwassenes wat by die Kokerboom tuisgegaan het tydens die Loeriesfontein Landbouskou. Daar was slaapplek vir 8 mense (een kamer met dubbelbed en enkelbed; tweede kamer met 2x enkelbeddens; sitkamer het 1x enkelbed en die voorhuis het 2x enkelbeddens). Die huis is goed toegerus met alles wat jy nodig het (handdoeke, koffie en suiker, strykplank, waaiers en heaters) en daar is 'n lekker binnebraai wat ons ongelukkig nie gebruik het nie aangesien ons by die skou ons etes gekry het. Die huis is geleë teen die kant van die dorp oorkant die informele "settlement" wat vir sommige mense 'n probleem sal wees. Ons het egter nooit onveilig gevoel nie, die bure was stil en geen geraas gedurende die nag nie. Ek sal definitief weer daar gaan bly met 'n volgende skou en sal dit aanbeveel vir gaste wat 'n nag moet oorslaap of dit as basis gebruik gedurende blommeseisoen. Indien jy egter 'n wegbreeknaweek beplan en die heel dag daar wil bly, sal ek dit nie aanbeveel nie. Ons het lekker gekuier en hoop dat die Kokerboom weer volgende jaar beskikbaar sal wees wanneer ons beplan om Loeriesfontein te besoek.

Rustig, netjies. Ek het lekker gebly.

Ons het net na vier aangekom en die nommers gekontak wat vir ons gegee was, maar geen antwoord ontvang nie. Wat ek kan sê is ek het nie 'n baie lekker ondervinding gehad nie, maar smaak verander van persoon tot persoon. Was 'n baie mix-and-match manier van doen. Byvoorbeeld, die wasbak hang skeef, en jy sukkel om sy kouekraan oop en toe te maak.

Blomme kyk. Netjies huis met groot kamers oorkant die skool geleë.

Gasvry en netjies. Ons is gulhartig ontvang. Dit was baie netjies, skoon en ruim. Alles wat ons benodig het, was beskikbaar.

Ontnugterend. Kokerboom word nêrens aangedui as geleë in 'n informele nedersetting! Die kopstuk van die hoofslaapkamer se bed word geskei deur 'n deur waar die eienaar woon en moes ons heel nag luister hoe snork die eienaar! Die stort was so verstop dat jy binne een minuut moet klaar wees anders is die badkamer onder water! Die toilet se kraan moes ons toedraai, want hy loop aanhoudend, die badkamer se slot is stukkend, die buitedeur kon nie sluit nie en omdat dit in 'n nedersetting geleë is het ons baie onveilig gevoel. Die foto’s is heeltemal misleidend. Die gebou is substandaard vir die prys waarvoor dit verhuur word, in vergelyking met akkommodasie in dieselfde prysklas.