Kreatiwiteitshupstoot. Met die intrapslag is ek geïnspireer deur die kreatiwiteit en aandag aan detail. Pragtige huis om te deel met die eienaar, tog met die nodige privaatheid. Die foto's is akkurate voorstellings van wat ek met aankoms gesien het, maar dit word voortdurend mooi gemaak om by die seisoene te pas. Diereliefhebber. Veilige omgewing om met my hond te gaan stap. Die eienaar het uit haar pad gegaan om spesiale versoeke te akkommodeer.

Die lekkerste bly ooit! Dit was baie lieflik en die ontvangs was vriendelik. Ek sal definitief weer bespreek en aanbeveel.

Bekostigbare en gerieflike verblyf. Kon nie vra vir 'n beter gasvrou as Fleur nie; vanaf die oomblik wat ons daar aangekom het, tot die oggend van ons vertrek het sy uit haar pad gegaan om ons verblyf so gemaklik moontlik te maak. Ek sal beslis die akkommodasie aanbeveel en sal weer daar gaan bly in die toekoms. Dit was soos om by 'n vriendin aan huis te kuier.

Gasvryheid. Dit was net 1 aand. Geen klagtes.

Rustigheid en lekker. Baie geniet dit saam met Tannie. Dankie vir die mooi skoon kamer. Ons sal enige tyd weer daar kom bly.

'n Ideale gastekamer met topklas gasvryheid. Ons het baie lekker in Fleur se gastekamer gebly. Fleur is baie gasvry en het dadelik vir ons 'n drankie aangebied toe sy hoor dat ons lank op die pad was. Die kamer is baie skoon, die bed is baie gemaklik, en die beddegoed is kwaliteit. Die sjokolade op die bed was 'n aangename verrassing! Die area is veilig en sentraal, so ons het sommer in die aand na die restaurant geloop. Ons sien reeds uit na ons volgende vakansie in Caledon by Fleur se Pienk Deur-gastekamer!

Sal weer daar aandoen as ek in die omgewing is. Baie gasvrye ontvangs, rustige en veilige omgewing, maklik om te vind.