Die Watergat

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hedgehog-weg 934, Marlothpark, 1321, Mpumalanga
Vanaf R2 450 per nag, vir 10 mense

Beskrywing

Die Watergat is 'n selfsorghuis in Marlothpark waar gaste deur flora en fauna omring word. Dit is die ideale plek vir vakansie.

Die huis het slaapplek vir 10 gaste en beskik oor 3 slaapkamers, 2 badkamers en 'n kombuis en leefarea. Elke slaapkamer het sy eie lugversorging en alles werk op voorafbetaalde koopkrag. Die hoofslaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Die tweede slaapkamer het 'n dubbelbed en die derde slaapkamer het 2 stapelbeddens. Die gedeelde badkamer het 'n stort, toilet en 'n wasbak.

Die kombuis is met 'n gasstoof, elektriese oond, yskas-vrieskas, mikrogolf, ysmaker en tee- en koffiemaakgeriewe toegerus. Daar is ook 'n ontbyttafel met bankies waar gaste hul ontbyt kan geniet. Die sitarea het 'n gemaklike sitkamerstel en 'n slaapbank. Daar is ook 'n slim-TV en gaste het toegang tot gratis WiFi.

Die huis bied toegang tot 'n lieflike stoep met buitemeubels en 'n swembadjie. Daar is 'n boma-braai.

Gaste kan begeleide wildritte in die Krugerwildtuin geniet, gaan voetslaan of fietsry in die park en daar is ook tiervis-uitstappies in Komatipoort.

Kry ’n Kwotasie