Beskrywing

Vriendelike en persoonlike diens wag op jou by Dithakong B&B, of jy nou 'n sakereisiger of 'n vakansieganger is, en of jy bloot op soek is na oornag-akkommodasie. Hierdie luukse B&B is in Pimville, Soweto naby interessante historiese en erfenisterreine geleë. Ons is trots op al die ervaring wat ons al opgedoen het in die gasvryheidsbedryf en maak telkens seker dat al die behoeftes van ons gaste bevredig word. Geregte word deur 'n sjef voorberei, sekuriteit is uitstekend en privaatheid word gewaarborg. Hierdie onderneming voorsien al die elegansie en betowering waarna gaste soek.

Dithakong Bed & Breakfast bied verblyf in 5 verskillende kamertipes.

Ons is 3 km vanaf die Orlando- en FNB-stadion, wat vir die 2010 Sokkerwêreldbeker gebruik is. Die Apartheidmuseum, Gold Reef City, Newtown en Southgate Winkelsentrum is alles binne 'n 6 km radius van Dithakong af. Maponya Winkelsentrum is net 3 km van ons af en die bekende Vilakazi Distrik, Mandela-museum, Hector Petersen-gedenkteken en Sisulu Freedom Square is 10 minute se ry van die B&B af. Plaaslike sjebiens en restaurante soos Sakhumzi, Nambita en Next Door bied aan reisigers die geleentheid om die inwoners van hierdie kleurvolle area te leer ken, 'n stewige Soweto-verwelkoming te beleef en te deel in Soweto se ryk geskiedenis. Van die ander besienswaardighede in die omgewing sluit die Wieg van die Mensdom en die Leeupark in. OR Tambo Internasionale Lughawe is 35 km van ons af.

Ander geriewe by die instansie sluit 'n braai-area en veilige parkeerplek in.

Bring 'n nag by ons deur en geniet 'n gasvrye Suid-Afrikaanse ervaring en 'n opwindende Soweto-avontuur.