Beskrywing

Dolfyn 302 is 'n selfsorgwoonstel in 'n woonstelkompleks in die kusdorp, Hartenbos. Die kompleks is naby veilige swemstrande, restaurante en winkelsentrums geleë.

Hartenbos Waterfront, waar daar verskeie restaurante en winkels is, is 450 m vanaf die woonstel en die naaste stappaadjie by die strand is net 400 m ver.

Die woonstel het slaapplek vir 2 volwasse en 2 kinders en beskik oor 2 slaapkamers. Die hoofslaapkamer het 'n dubbelbed en die tweede slaapkamer het 2 enkelbeddens.

Die kombuis is met 'n yskas-vrieskas, stoof, oond, mikrogolfoond, ketel, broodrooster, wasmasjien, lugbraaier en tuimeldroër toegerus. Die leefarea bied toegang tot 'n toegeboude balkon met 'n ingeboude braai.

Gratis WiFi is beskikbaar en gaste kan die slim-TV en hul eie intekenbesonderhede gebruik om Netflix, Prime, DStv, YouTube en Showmax te stroom.

Aktiwiteite in die omgewing sluit swem, kajak, snorkel, skubaduik, bootritte, valskermsweef, gholf, voetslaan, putt-putt, museums, Jenewer-distilleerdery en Zipline in. Daar is ook 'n binneshuise warmwaterswembad by die ATKV-sentrum.

Daar is parkeerplek onder 'n skadunet en die perseel word deur 'n hoë heining omring.
Motorhektoegang is slegs via 'n gesigherkèn̈ning stelsel beskikbaar waarvoor n portretfoto asook n foto van die ID kaart of bestuurslisensie of die volle ID inligting van elke voertuigbestuurder benodig word.

Indien gaste nie bereid is om die inligting te verskaf nie kan hek afstandbeheer skakelaars teen addisionele koste verskaf word. Kansellasies in verband met n gebrek aan toegangbeheer inligting kan ongelukkig nie terugbetaal word nie.

Gaste kan ook die voetgangershek gebruik om toegang tot die straat te kry en dié hek word met 'n sleutel wat voorsien word oopgesluit.