Elangeni Holiday Resort

Oord

Kapasiteit: 402 persone
Alle ouderdomme is welkom
Inkloktyd: 06:00 tot 18:00
Uitkloktyd: 10:00
Adres: Sycamore N4, Elandsvallei, Waterval Boven, 1195, Mpumalanga
Vanaf R600 per nag, vir 2 mense
TGCSA-gradering:

Beskrywing

Elangeni Vakansieoord, Mpumulanga, Suid-Afrika, is geleë op die oewer van die Elandsrivier, op die N4 tussen Waterval-Boven en Mbombela (Nelspruit). Die oord is in 'n lae-risiko malaria area en is die perfekte wegbreek na die ongerepte natuur.

Twaalf selfsorg-chalets is onder skaduryke bome gestrooi. Daar is 8 dubbelverdieping-chalets elk met 2 slaapkamers, 2 badkamers, sitkamer en kombuis. Een van die chalets is rolstoelvriendelik. Daar is drie ander chalets elk met 2 slaapkamers, 1 badkamer, sitkamer en kombuis. Een ander chalet het 1 slaapkamer, 1 badkamer, sitkamer en kombuis. Al die chalets is ten volle toegerus.

Die oord bied visvang, voëlkyk, natuurwandelings, 'n swembad, 'n oerwoudgimnasium, trampoliens, selfsorg-chalets onder skaduryke bome, karavaan- en tentkampeerplekke. Doendinge sluit rivierpype en voetslaan in. Die oord is ideaal vir skoolgroepuitstappies en korporatiewe spanbou. Daar is 'n lapa en 'n klipsaal vir funksies, 'n wassery en 'n winkeltjie.

Die klipsaal kan vir tot 200 gaste voorsiening maak en sluit 'n kombuis en 'n kontantkroeg in. Dit is ideaal vir troues, konferensies, danse, temapartytjies, korporatiewe funksies en spesiale gesinsgeleenthede.

Ons is welbekend vir ons uitstaande kos van die hoogste gehalte. Spyseniering word binne 'n radius van 120 km vanaf Waterval-Boven aangebied vir einde-van-jaar- of ander spesiale funksies, peuselplate, spitbraaie en braai's. Ons spesialiseer in troues, troukoeke, spesiale blommerangskikkings, versiering van die saal of lokaal, en ons verskaf musiek vir die funksie.

Kry ’n Kwotasie