Elephant Point Lodge

Selfsorg

Kapasiteit: 8 persone
Alle ouderdomme is welkom
Inkloktyd: 16:00 tot 00:00
Uitkloktyd: 10:00
Adres: R536, Hazyview, 1242, Mpumalanga
Vanaf R15 000 per nag (plek vir 8)

Beskrywing

Elephant Point Lodge is 2,7 km vanaf die Sabierivier in Hazyview en is 'n mooi vakansiehuis wat 'n rustige bosveldwegbreek aan 'n groep vriende of gesin bied.

Die huis het lugversorging en is geskik vir 8 gaste. Daar is 4 slaapkamers, 4 badkamers en 'n gastetoilet. Twee van die slaapkamers het elk 'n koninggrootte-bed en die ander 2 slaapkamers het elk 2 enkelbeddens. Gaste kan in al 4 slaapkamers kies of die beddens as 'n koninggrootte-bed of 2 enkelbeddens opgemaak moet word. Beide bad- en stortgeriewe is beskikbaar en alle linne en handdoeke word voorsien.

Die kombuis is met 'n gasstoof, elektriese oond, mikrogolf, yskas-vrieskas, eetgerei en breekware toegerus en daar is 'n toonbank met stoele. Die kombuis lei na 'n eetarea en 'n sitarea met gemaklike sitplek, asook 'n TV met die volle DStv-pakket.

Op die boonste verdieping is daar 'n balkon met stoepmeubels en 'n uitsig oor die bosveld. Die leefarea het skuifdeure wat na 'n onderdakstoep lei. Die stoep het 'n ingeboude braai en 'n groot houtdek met sonstoele en 'n swembad. Verder is daar 'n boma met nog braaigeriewe.

Veilige parkeerplek word voorsien en Elephant Point Lodge is net 12 km van die Krugerwildtuin se Phabeni-hek af.

Kry ’n Kwotasie