Endless Summer Villa

Selfsorg

Soos Gesien op Facebook
Kapasiteit: 16 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Rice-straat 11, Plettenbergbaai, 6600, Wes-Kaap
Vanaf R14 300 per nag (plek vir 16)

Beskrywing

Endless Summer Villa is 'n pragtige en luukse vakansievilla in die hartjie van Plettenbergbaai en spog met 'n uitsig oor die Robberg-skiereiland en die ikoniese Beacon Island Hotel.

Die dubbelverdiepingvilla spog met luukse afwerkings, bied slaapplek aan 16 gaste en beskik oor 8 slaapkamers en 7 badkamers. Daar is 5 slaapkamers op die onderste verdieping, insluitend die hoofslaapkamer wat 'n kaggel het en direkte toegang tot die balkon bied. Een van hierdie slaapkamers het 'n aparte ingang vanaf buite. Daar is nog 3 slaapkamers op die boonste verdieping en elkeen van die 8 slaapkamers het 'n koninggrootte-bed met skoon, wit linne en 'n en suite-badkamer met 'n stort of 'n bad.

Die ruim oopplan-leefarea is op die onderste verdieping en beskik oor 'n kombuis wat met 'n gasstoof, elektriese oond, mikrogolfoond, yskas-vrieskas, skottelgoedwasser, eetgerei en breekware toegerus is. Daar is ook 'n eiland met stoele. Die kombuis lei na 'n TV-sitarea met gemaklike sitplek en 'n kaggel. Gratis WiFi is ook beskikbaar. Daar is 'n etenstafel met sitplek en 'n binnebraaikamer met hout- en gasbraaigeriewe, 'n TV teen die muur, 'n wynyskas en 'n ekstra yskas.

Die stapelglasdeure lei na 'n onderdakstoep met 'n buite-etenstafel en dit lei na 'n houtdek met sonstoele en 'n randvloei-swembad. Die gaste in die 3 slaapkamers op die boonste verdieping deel 'n ekstra kombuisie en 'n tweede sitarea wat na 'n braai- en kuierarea met groot opvouvensters lei.

Kry ’n Kwotasie