English Cottage @ Wetlands Game Lodge

Beskrywing

English Cottage @ Wetlands Game Lodge skuil in die skilderagtige Versamelberge net buite Wakkerstroom en bied panoramiese uitsigte oor golwende groen heuwels en rustige watermassas. Die lodge is aan die voorheuwels van die Drakensberge geleë op 10 500 hektaar bergagtige grasveld en vleilande.

English Cottage @ Wetlands Game Lodge is 'n privaat kothuis wat op die rand van 'n meer gebou is en 'n romantiese toneel skep. Dié kothuis beskik oor Afrika-styl-dekor en beskik oor 2 en suite-slaapkamers. Die hoof- en tweede slaapkamers is ingerig met 'n koninggrootte-bed en 'n 2 enkelbeddens, onderskeidelik. Die en suite-badkamers het elkeen 'n bad, stort, wasbak en toilet. Vars linne en handdoeke word voorsien.

Die oopplan-kombuis is toegerus met 'n yskas-vrieskas, stoof, oond, mikrogolf, basiese eetgerei, breekware en tee- en koffiemaakgeriewe. Dit strek tot 'n eetarea en lei verder na die sitarea wat gemeubileer is met gemaklike rusbanke en 'n lieflike boekrak aan die agterkant waaruit gaste kan voordeel trek.

Die kothuis maak oop na 'n lieflike dek met buitesitplek, die perfekte plek om net 'n oggendkoffie te geniet, of teen skemer met 'n glas wyn te ontspan. Daar is ook 'n lieflike grasperk met 'n vuurput.

Die lodge beskik oor uiteenlopende wild-, voël- en plantlewe wat op 'n wildrit, 'n vierwielmotorfietsavontuur of 'n rustige wandeling verken kan word. Doendinge sluit perdry, voetslaan, voëlkyk en kunsvlieghengel in. Gaste kan 'n restaurant en kroeg op die perseel geniet, met reëlings vir ontbyt, middagete en aandete beskikbaar teen 'n ekstra koste. Hierdie rustige lodge is perfek vir gesinswegbreek, romantiese ontsnappings, trou-venues, of bloot om te ontspan en te verjong in die natuur.